ბაქოს უნივერსიტეტი გოგონებისთვის
ბაქოს უნივერსიტეტი გოგონებისთვის — აზერბაიჯანის რესპუბლიკის უმაღლესი საგანმანათლებლო დაწესებულება.
ისტორია
რედაქტირება1876 წელს დაარსებულმა გორის სემინარიამ დიდი გავლენა მოახდინა კავკასიაში, მათ შორის აზერბაიჯანში, განათლების, მეცნიერების და კულტურის განვითარებაზე.
1980-იან წლებში ქვეყნის განათლების სისტემა მძიმე კრიზისის წინაშე აღმოჩნდა. ასეთ დროს შეიქმნა ბაქოს უმაღლესი პედაგოგიური ქალთა სემინარია. ეს იყო დრო, როდესაც არსებული განათლების სისტემა არ აკმაყოფილებდა დროის მოთხოვნებს. სერიოზულად იყო საჭირო ახალი, ალტერნატიული, უფრო პროგრესული და წარმატებული სისტემა. გოგონათა სემინარია ასეთი სისტემის ერთ-ერთი პირველი საგანმანათლებლო დაწესებულება იყო.
1992 წელს, დაარსდა ბაქოს უმაღლესი პედაგოგიური სემინარია გოგონებისთვის. რესპუბლიკისთვის ქალი პედაგოგიური კადრების მომზადების, მათი ინტელექტუალური დონის ამაღლების, გოგონების ოჯახური ცხოვრებისათვის მომზადების მიზნით.
პროფესორ აგარაჰიმ ნუსრატ ოღლო რახიმოვის თავმჯდომარეობით შეიქმნა სტუდენტთა მიღების კომისია და იმავე წლის 27 ივლისს აზერბაიჯანის ტელევიზიამ გამოაცხადა ბაქოს უმაღლესი პედაგოგიური გოგონების სემინარიაში სტუდენტების მიღება.
აზერბაიჯანის რესპუბლიკის მინისტრთა კაბინეტის 1996 წლის 21 თებერვლის №21 ბრძანებულებით, სემინარიამ მიიღო სახელმწიფო რეგისტრაცია. თავდაპირველად, პერსონალი მომზადდა შემდეგ სპეციალობებში: „პედაგოგიკა და ფსიქოლოგია“, „პედაგოგიკა და დაწყებითი განათლების მეთოდები“, „ფსიქოლოგია“, „სოციალური პედაგოგიკა“.
1997 წელს, მატერიალურ-ტექნიკური ბაზის გათვალისწინებით, სემინარიის პედაგოგებს საშუალება მიეცათ მოამზადონ სპეციალისტები აგრეთვე სპეციალობებში: „აზერბაიჯანული ენა და ლიტერატურა“, „ისტორია და სოციალური კვლევები“, „ეკონომიკური ცოდნა“ და ასევე „ჟურნალისტიკა“.
2005 წელს, აზერბაიჯანის რესპუბლიკის იუსტიციის სამინისტროს 2005 წლის 8 ივლისის №19 სერთიფიკატის საფუძველზე, სემინარიას ეწოდა ბაქოს გოგონების უნივერსიტეტი.
ბაქოს უნივერსიტეტი, რომელიც განკუთვნილია გოგონებისთვის განათლება ტარდება საბაკალავრო და სამაგისტრო პროგრამების შესაბამისად. სრულ განაკვეთზე საბაკალავრო პროგრამების ათვისების პირობები 4 წელია, ხოლო კორესპოდენტით - 4,5 წელი. მაგისტრატურაში სწავლება სრულ განაკვეთზე ხდება. სწავლის ვადაა კი სწავლების ამ საფეხურზე აღნიშნულ უნივერისტეტში 2 წელია.
სტრუქტურა
რედაქტირებანაზიმ აბასოვი პირველად დაინიშნა სწავლების ხელმძღვანელად 1992 წელს.
აღსანიშნავია, რომ ბაქოს გოგონათა უნივერსიტეტში განათლება ორგანიზებულია უნიკალური სისტემის შესაბამისად. უნივერსიტეტში მოქმედებს სამეცნიერო საბჭო, სასწავლო, სამეცნიერო და საგანმანათლებლო საკითხების პრორექტორი, „სოციალურ-პედაგოგიური“ და „ფილოლოგია-ისტორიის“ ფაკულტეტების დეკანები. ასევე ბაქოს უნივერისტეტში 6 განყოფილება, სტუდენტური საბჭო, სტუდენტური სამეცნიერო საზოგადოება, სამხატვრო სტუდია, კომპიუტერული ცენტრი, სტუდენტური ახალგაზრდული ორგანიზაცია, ეკოლოგიური ცენტრი და ბიბლიოთეკა მუშაობს.
დღეისათვის ბაქოს გოგონათა უნივერსიტეტის რექტორი არის პედაგოგიურ მეცნიერებათა დოქტორი, პროფესორი აგარაჰიმ ნუსრატ ოღლო რახიმოვი.