ბარეულის მაცხოვრის ეკლესია

ბარეულის მაცხოვრის ეკლესია — არქიტექტურული ძეგლი ამბროლაურის მუნიციპალიტეტის სოფელ ბარეულში.

ეკლესია შიდა ნაწილში წაგრძელებული მართკუთხედის მოყვანილობისაა, აღმოსავლეთით ნახევარწრიული საკურთხევლით ხოლო, პერიმეტრზე მიმოფანტულია ქვის კედლების ნაშალი მასალა, რაც ზომებისა და გარემასების დაზუსტებას ართულებს. კარი დატანილი აქვს დასავლეთით. ინტერიერში შემორჩენილია შირიმის პილასტრები ფრაგმენტულად. ეკლესიის არქიტექტურულ დეტალებს უნდა წარმოადგენდეს, ეკლესიის ტერიტორიაზე განთავსებული ქვის სვეტის ბაზის, გეომეტრიული ორნამენტით შემკული კარის თუ სარკმლის საპირისა და ნახევარწრიული და ზედა ნაწილში ლილვშემოვლებული ფრაგმენტები.

რესურსები ინტერნეტში

•  კულტურული მემკვიდრეობის პორტალი, № 39366