ბარბარე ზარუდნაია

ბარბარე (ვერა) მიხეილის ასული ზარუდნაია (რუს. Варвара Михайловна Зарудная; დ. 5 დეკემბერი, 1857, ეკატერინოსლავი, ახლანდ. დნიპრო, უკრაინა, — გ. 14 მარტი, 1939, მოსკოვი) — რუსი მომღერალი (სოპრანო) და პედაგოგი, კომპოზიტორ მიხეილ იპოლიტოვ-ივანოვის მეუღლე (1883 წლიდან).

ბარბარე ზარუდნაია
ბიოგრაფია
დაბ. თარიღი	5 (17) დეკემბერი, 1857
დაბ. ადგილი	დნიპრო
გარდ. თარიღი	14 მარტი, 1939(1939-03-14) (81 წლის)
გარდ. ადგილი	მოსკოვი
ბარბარე ზარუდნაია ვიკისაწყობში

ზარუდნაიას დედა ქართველი იყო, გვარად გარსევანოვა (გარსევანიშვილი). 1882 წელს დაამთავრა პეტერბურგის კონსერვატორიის ვოკალური განყოფილება (ნილსენ-სალომანისა და კ. ევერარდის კლასები). ერთხანს კიევის ოპერისა და ბალეტის თეატრში მღეროდა წამყვან პარტიებს, ხოლო მ. იპოლიტოვ-ივანოვის თბილისში გადმოსვლის შემდეგ აქ განაგრძო არტისტული და პედაგოგიური მოღვაწეობა. 1883–1893 წლებში თბილისის საოპერო თეატრის სოლისტი იყო. ასრულებდა წამყვან პარტიებს რუსულ და დასავლეთ ევროპის ოპერებში: ტატიანა, მარია, ნასტია (პ. ჩაიკოვსკის „ევგენი ონეგინი”, „მაზეპა”, „ჯადოქარი ქალი”), ნატაშა (ა. დარგომიჟსკის „ალი”); დიდი წარმატებით გამოდიოდა ჯ. ვერდის „აიდაში”, შ. გუნოს „ფაუსტში”, ჯ. მეიერბერის „აფრიკელ ქალში”. ეწეოდა საკონცერტო მოღვაწეობას. იყო თბილისის სამუსიკო სასწავლებლის პედაგოგი. 1893 წლიდან მოღვაწეობდა მოსკოვში, იყო მოსკოვის კონსერვატორიის პროფესორი.

ლიტერატურა

• ფიჩხაძე მ., ენციკლოპედია „საქართველო“, ტ. 3, თბ., 2014.