ბათუმის მეორე საჯარო სკოლა

ბათუმის მე-2 საჯარო სკოლასაჯარო სკოლა ქალაქ ბათუმში.

ისტორია რედაქტირება

1904 წელს სკოლა დაარსდა, როგორც ქალთა გიმნაზია. საბჭოთა პერიოდში მას „ბათუმის ვ. ი. ლენინის სახელობის #1 ქართული საშუალო სკოლა“ ეწოდებოდა. იგი პირველი იყო არა მარტო ბათუმში, არამედ მთელს აჭარაში.

დაარსების დღიდან სკოლას ხშირად ეცვლებოდა სახელი.

  1. 1900-1921 წლებში — ბათუმის ქალთა გიმნაზია.
  2. 1921-1922 წლებში — ბათუმის მეორე საფეხურის სკოლა (ჰუმანიტარული).
  3. 1924 წელს — შვიდწლედი.
  4. 1934 წელს — შვიდწლედი გადაკეთდა საშუალოდ.
  5. 1934 წელს — დაერქვა ბათუმის #4 საშ. სკოლა და მიენიჭა ვ. ი. ლენინის სახელი.
  6. გადაკეთდა ლენინის სახ. ვაჟთა #2 საშ. სკოლად.
  7. 1949 წელს — ეწოდა #1 საშ. სკოლა.
  8. 1966 წელს — ვ. ი. ლენინის სახ. საშუალო ზოგადსაგანმანათლებლო სკოლაა.
  9. 1980 წელს — ბათუმის ვ. ი. ლენინის სახ. #1 საშ. სკოლა.
  10. 1991 წელს — ბათუმის დ. აღმაშენებლის სახ. #2 საშ. სკოლა.
  11. 2001 წელს — ბათუმის დ. აღმაშენებლის სახ. გიმნაზია.
  12. 2004 წელს — ბათუმის #2 საშ. სკოლა (შეუერთდა ელემენტ. სკოლა).
  13. 2005 წელს — ბათუმის #2 საჯარო სკოლა.

დაარსება 1900-1904 წლები რედაქტირება

1900 წლის 26 სექტემბერს გაიხსნა ბათუმის ქალთა გიმნაზია. რადგანაც შენობა დროზე არ იყო მზად, სასწავლო პერსონალიც არ იყო დანიშნული გახსნამდე. ახლად მისაღებთა გამოცდას აწარმოებდნენ ვაჟთა გიმნაზიის დირექტორი და მისი პედაგოგები თავის შენობაში.

1902 წლის 1 აგვისტოს გაზეთის საშუალებით გამოცხადდა საბოლოო ვაჭრობა ქალთა გიმნაზიის მშენებლობისათვის. გადარიცხული იყო 67400 მან.

მშენებლობა დაიწყო ა. ლ. შაპიროს პოდპოლკოვნიკ პომორსკის პროექტის მიხედვითა და მისი ხელმძღვანელობით.

სხდომის დადგენილება:

დაევალოს მოქ. შაპიროს, რომ საკლასო ოთახები დამთავრდეს 1903 წ. 1 ოქტომბრისთვის და სხვა სამუშაოები _ 1904 წ. იანვრისთვის. ხარჯთაღრიცხვა გადასახდელად გადაეცეს ქალაქის არქიტექტორ გ. ბარკლიანცს.

შენობა, რომელშიც დროებით მოთავსებული იყო ქალთა გიმნაზია, დამწვარა 1909 წ. იანვარში.

—ფ. #6. არქ. #102

1904 წელს ქალთა გიმნაზია გადავიდა ახალ შენობაში. ეს მოვლენა დაემთხვა გიმნაზიის კურსდამთავრებულთა პირველ გამოშვებას. ამ წელს გიმნაზია დაუმთავრებია 27 მოსწავლეს. გიმნაზია ახალ შენობაში გადასულა და კურსდამთავრებულთა პირველი გამოშვება სადღესასწაულო ვითარებაში აღუნიშნავთ.

სკოლამ მრავალი ისტორიული პროცესი გამოიარა. ცნობილი იყო, რომ იგი 1904 წელს დაარსდა. ამას სკოლის შენობაზე ამოტვიფრული „1904 წ.“ ადასტურებს. საარქივო მასალებში კი აღნიშნულია, ბათუმის ქალთა გიმნაზია გაიხსნა 1900 წლის 26 სექტემბერს, სკოლის შენობის მშენებლობა კი დამთავრდა 1904 წელს.

ოქმი. 1902 წ. აგვისტო ესწრებიან ქალაქის თავი ანდრონიკოვი, მართვის წევრები: ვოლსკი, ივანოვი, სევერინი, ელიავა, სტოიანოვი, ქიქოძე. სპეციალურად მოიწვიეს პოლკოვნიკი ინჟინერი პომორსკი.

სხდომა გახსნა თავადმა ანდრონიკოვმა. მან აღნიშნა, რომ ქალთა გიმნაზიის შენობის მშენებლობა, რომელიც დაწყებული უნდა ყოფილიყო, უცებ შეწყდა. მიზეზი შემდეგშია: გარდაიცვალა სუკოიანების ერთ-ერთი ძმა, რომელმაც ვერ მოასწრო მიწის გაყიდვაზე თანხმობის მიცემა. მეორე ძმამაც უარი თქვა თანხმობაზე (ძმები ერთად ცხოვრობდნენ). ეს ამბავი შეიძლება გაგრძელდეს რამდენიმე თვე. მშენებლობა კი სწრაფად უნდა დაიწყოს. არ არის საჭირო სუკოიანების თანხმობაზე ლოდინი. ამისათვის საჭიროა „попечительный совет“-ის წევრების აზრი. ამიტომაც ანდრონიკოვს მოუწვევია სხდომა.

მოისმინეს ეს განცხადება და გიმნაზიის შენობის პროექტის ავტორის პოდპოლკოვნიკ პომორსკის ზოგიერთი ახსნა: არ დაელოდონ სუკოიანების თანხმობას და დაიწყონ მშენებლობა.

სააღმშენებლო კომისიას (ფ. 225 გვ. 34) ხელს აწერენ: საბაევ ნ.ა.; კალმ გ.ა.; მჭედლოვი პ.ლ.; ნაკაშიძე მ.მ.; მიხაილიდი შ.ტ.; ქიქოძე ლ.ს. (ეპისკოპოსის ძმის შვილი); ბერკლიანც ა.ა.; 17,7 1902 წ.

—არქ. ფონდი 11.

დირექტორები რედაქტირება

სასწავლო დაწესებულებების დირექტორები 1900 წლიდან იყვნენ:

  1. სტოიანოვი ალექსანდრე ილიას ძე 1900წ. (ნახსენებია ნადეჟდა ნიკოლოზის ას. ტიბლენიც 1901 წ. 20/I)
  2. სახაროვა ელენე (ლავინია) ივანეს ას. 1902 წ. 20/I.
  3. ქინქლაძე დანიელი 1920 წ. 4/X.
  4. ჯაფარიძე ნ. 1922 წ.
  5. ივანოვი გრიგოლი 1925 წ.
  6. ჯაყელი ნიკო 1928/29 წ.
  7. ფერაძე ირაკლი (ზოგან ილია) 1929-30 წ.წ.
  8. ღლონტი ირაკლი 1934 წ. მოადგილე ალ. ქათამაძე.
  9. გორგაძე გრიგოლი 1934 წ. 7/IX; მოადგილე ქ. ვასაძე.
  10. ჟღენტი პ. 1936.
  11. ქარუმიძე სიმონი 1936; მოადგილე თემელ ბეჟანიძე.
  12. ბეჟანიძე თ. 1937 29/VI.
  13. ნიჟარაძე ნ. 1937 წ. 13/VIII.
  14. ვასაძე ქსენია _ მოადგილე კალე ბოლქვაძე.
  15. ლორთქიფანიძე გრიგოლ ალექსანდრეს ძე 1939-40 წ.წ. მოადგილე თ. კვაჭაძე.
  16. კვაჭაძე თამარ _ მოადგილე ა. დარჩია.
  17. ხინიკაძე ხუსეინ სულეიმანის ძე _ მოადგილე ა. დარჩია.
  18. მდივანი სევერიანი 1942 წ.
  19. ნიჟარაძე შუქრი იზეთის ძე 1944 წ. მოადგილე ნ. ინწკირველი.
  20. ახვლედიანი ოსმან აბდულის ძე 1946 წ.
  21. მახარაძე ოსმან ნურის ძე 1948 წ. 23/VIII.
  22. მახარაძე დავითი 1949 წ. 20/IV.
  23. თალაკვაძე ვლადიმერი 1950-51 სასწ. წ.
  24. დარჩია ალ. 1952 წ.
  25. დიასამიძე ი. 1952 წ. 25/VIII.
  26. სანიკიძე ვლადიმერი 1952 წ. 22/X.
  27. მახარაძე დურსუნი 1954 წ. სასწ. ნაწ. გამგე ვასო ჩახვაძე.
  28. კომახიძე ზია 1976 წ.-1982 წ. სასწ. ნაწ. გამგე ნ. მახაჭაძე.
  29. შარაძე ციალა შოთას ასული 1982 წ. 11/III-1991 წ. 10/IX.
  30. ჭანტურაია ლერი 1991 წ. 23/IX-1994 წ. 1/IV.
  31. დუმბაძე მამია 1994 წ.-2004 წ. მარტამდე.
  32. ყურშუბაძე ეთერი ვაჟას ას. 2005 წ. 18/II-2005 წ. 23/VIII.
  33. ფაღავა ნანა 2005 წ.-2006 წ. 1/III.
  34. თებიძე სულიკო 2006 წ. 17/III-2006 წ. 8/IX.
  35. ახალაძე ნანა 2006 წ. 8/IX-2007 წ. 22/X.
  36. კალანდარიშვილი ომარი 2007 წ. 23/X.
  37. აბაშიძე მარიზა 2007 წ.

რესურსები ინტერნეტში რედაქტირება