აჰმადი (შირვანი)

აჰმად I — მერვე შირვანშაჰი 956-981 წლებში, მეოთხე ლაიზანშაჰი, მუჰამედ III-ის შვილი.

აჰმად I
ლაიზანშაჰი
მმართ. დასაწყისი:	948
მმართ. დასასრული:	956
წინამორბედი:	მუჰამედ III
მემკვიდრე:	მუჰამედ IV
შირვანშაჰი
მმართ. დასაწყისი:	956
მმართ. დასასრული:	981
წინამორბედი:	მუჰამედ III
მემკვიდრე:	მუჰამედ IV
პირადი ცხოვრება
დაბ. თარიღი:	უცნობია
გარდ. თარიღი:	ივნისი, 981
შვილები:	მუჰამედ IV; იაზიდ II
დინასტია:	მაზიადიდები
მამა:	მუჰამედ III
რელიგია:	ისლამი

აჰმად I-მა შირვანშაჰის თანამდებობა 956 წელს, მუჰამედ III-ის გარდაცვალების შემდეგ დაიკავა. პირველი ქმედება, რომელიც მან განახორციელა, ვეზირ იბნ ალ-მარაღის სიკვდილით დასჯა იყო. აჰმადის ძმა — ჰაისამ იბნ მუჰამედი ლაიზანში გაიქცა, ხოლო ბიძაშვილი, აბულ ალ-ჰაისამ იბნ აჰმადი — ბარდაში, სადაც მოულოდნელად გარდაიცვალა.

968 წელს, ჰაისამ იბნ მუჰამედმა, შირვანში სალარიდების უფლებამოსილების დამყარების და შირვანშაჰისთვის ხარკის გადახდის იძულების მიზნით, იბრაჰიმ სალარიდთან ერთად შირვანს შეუტია. მათ მრავალი ქალაქი გაძარცვეს, რომელთა შორის იყო დერბენტი. ამის შემდეგ, ჰაისამ იბნ მუჰამედი ადგილობრივ მმართველებთან ერთად შირვანისკენ გაემართა, მაგრამ იგი დამარცხდა და იძულებული გახდა ტაბასარანში დაბრუნებულიყო.

გარდაცვალება

აჰმად I-ს შირვანშაჰის თანამდებობა 25 წლის განმავლობაში ეკავა. გარდაიცვალა 981 წელს.

აჰმადის გარდაცვალების შემდეგ, მომდევნო შირვანშაჰი მისი შვილი — მუჰამედი გახდა.

ლიტერატურა

• Минорский В. Ф. История Ширвана и Дербента. — М.,1963.
• Ашурбейли С. Государство Ширваншахов. — Б., 1983.

სქოლიო

აჰმადი (შირვანი) შირვანშაჰი დაიბადა: უცნობია გარდაიცვალა: 981
წინამორბედი: მუჰამედ III	ლაიზანშაჰი 948-956	შემდეგი: მუჰამედ IV
წინამორბედი: მუჰამედ III	შირვანშაჰი 956-981	შემდეგი: მუჰამედ IV