ახალდაბის წმინდა გიორგის ეკლესია (მცხეთა)

ახალდაბის წმინდა გიორგის ეკლესია — ეკლესია მცხეთის მუნიციპალიტეტის სოფელ ახალდაბაში. მდებარეობს სოფლის ჩრდილო-აღმოსავლეთით 200-300 მეტრზე, შემაღლებულ ადგილას. თარიღდება გვიანდელი ფეოდალური ხანით. ნაგებია რიყის ქვით. აღმოსავლეთით სწორკუთხა საკურთხეველი ყოფილა. აღმოსავლეთ კედლის ღერძზე სწორკუთხა სარკმელია.

ლიტერატურა

• საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 270.