აფლათუნ ნემათზადე
აფლათუნ ნემათზადე (აზერ. Əflatun Nemətzadə; დ. 25 აპრილი, 1944, ერჩივანი, ასტარას რაიონი) — აზერბაიჯანელი და თურქი თეატრის რეჟისორი, მწერალი და პოეტი. აზერბაიჯანის რესპუბლიკის დამსახურებული არტისტი (2011) და სახალხო არტისტი (2018). ანკარის გაზის უნივერსიტეტის პროფესორი, ფილოსოფიისა და ხელოვნების მეცნიერებათა დოქტორი, აზერბაიჯანის მწერალთა კავშირის წევრი. იემენის ეროვნული ოპერის დამფუძნებელი.
| აფლათუნ ნემათზადე | |
|---|---|
| დაბადების თარიღი |
25 აპრილი 1944 არჩივანი, ასტარის რაიონი, აზერბაიჯანის სსრ, სსრკ |
| მოქალაქეობა |
 სსრკ აზერბაიჯანი |
ბიოგრაფია
რედაქტირებააფლატუნ ნემათზადე 1944 წელს ასტარას რაიონის დასახლებაში ერჩივანში დაიბადა. 1962-1967 წლებში სწავლობდა აზერბაიჯანის თეატრალური ინსტიტუტის მუსიკალური კომედიის ფაკულტეტზე. 1970-1975 წლებში დაამთავრა ლენინგრადის რიმსკი-კორსაკოვის სახელობის სახელმწიფო კონსერვატორიის საოპერო რეჟისურის განყოფილება. 1976 წელს იყო მსოფლიოში ცნობილი ბორის პოკროვსკის რეჟისორის ასისტენტი მოსკოვის ოპერისა და ბალეტის გრანდ თეატრში.
რეჟისორმა, რომელიც სამუშაოდ გაგზავნეს იემენის სახალხო რესპუბლიკაში 1980 წელს, დააარსა ადენში სახელმწიფო ეროვნული მუსიკალური თეატრი და ითვლება იემენის ეროვნული ოპერის ფუძემდებლად. 1988 წელს მიიღო ხელოვნების დოქტორის ხარისხი საქართველოს ხელოვნების უნივერსიტეტში.
1991 წელს ა.ნემეტზადე მიიწვიეს ანკარის ოპერისა და ბალეტის სახელმწიფო თეატრში, შემდეგ კი რეჟისორად დაიწყო მუშაობა მერსინის ოპერისა და ბალეტის სახელმწიფო თეატრში. აფლატუნ ნემათზადეს 100-ზე მეტი სამეცნიერო კვლევა, სტატია და ლექსი გამოქვეყნებულია სხვადასხვა გამოცემებში აზერბაიჯანში, რუსეთში, იემენში, ეგვიპტეში, თურქეთსა და პოლონეთში. 1970-1980 წლებში იყო აზერბაიჯანის სახელმწიფო ტელევიზიის სერიალის „საუბრები ოპერაზე“ წამყვანი.
თურქეთში პირველად იყო სახელმძღვანელოს „ოპერის რეჟისურის“ ავტორი.
აფლატუნ ნემათზადემ განსაკუთრებული როლი შეასრულა თურქული სამყაროს დიასპორათა შორის ურთიერთობების დამყარებასა და განვითარებაში. კულტურის განვითარებაში გაწეული ღვაწლისთვის მას სახელმწიფო ყოველთვის აფასებდა, 2011 წლის 15 მარტს მიენიჭა „აზერბაიჯანის რესპუბლიკის დამსახურებული არტისტის“ საპატიო წოდება,[1] 2018 წლის 27 მაისს კი აზერბაიჯანის რესპუბლიკის „სახალხო არტისტის“ საპატიო წოდება.[2]
სქოლიო
რედაქტირება- ↑ Ə.N.Nemətzadəyə "Əməkdar İncəsənət Xadimi" fəxri adının verilməsi haqqında Azərbaycan Respublikasının Prezidentinin Sərəncamı[მკვდარი ბმული]
- ↑ President.Az. (27.05.2018) Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı az. President.az. ციტირების თარიღი: 2018-05-27.