ასფურცელა
ასფურცელა (ლათ. Tanacetum) — მრავალწლოვანი ბალახების ან ნახევრად ბუჩქების გვარი რთულყვავილოვანთა ოჯახისა. აქვთ მორიგეობით განლაგებული ფრთისებრი ფოთლები; მილისებრი ყვავილებისაგან შემდგარი კალათები ქმნიან ფარისებრ ყვავილედს.
გვხვდება აღმოსავლეთ ნახევარსფეროს ზომიერ სარტყელში. საქართველოში გავრცელებულია მთიულეთის, მესხეთ-ჯავახეთის ველებზე, მშრალსა და ქვიან ფერდობებზე იზრდება ორი სახეობა — Tanacetum abrotanifolium და Tanacetum vulgare, რომლის მიწისზედა ნაწილები შეიცავს მთრიმლავ ნივთიერებებს, ეთეროვან ზეთებსა და ფისს. გამხმარი ყვავილებისაგან ამზადებენ ინსექტიციდებს.
ლიტერატურა რედაქტირება
- ქართული საბჭოთა ენციკლოპედია, ტ. 1, თბ., 1975. — გვ. 663.