არუთიან ვარდანიანი
არუთიან ვარდანიანი (სომხ. Հարություն Վարդանյան; დ. 5 დეკემბერი, 1970, გიუმრი, სომხეთის სსრ) — კარიერადასრულებული სომეხი ფეხბურთელი. პოზიციით მცველი. ვარდანიანი თამაშობდა სომხეთის ეროვნულ საფეხბურთო ნაკრებსა და სომხეთის, შვეიცარიის და გერმანიის კლუბებში. მას კარიერის დიდი ნაწილი გაატარა შვეიცარიის საფეხბურთო სუპერლიგის კლუბებ: ლოზანში, ვერვეტში და არაიში. იგი სომხეთის ეროვნულ საფეხბურთო ნაკრებში ძირითად მცველად მოისაზრებოდა; ნაკრების მაისურით ჩატარებული აქვს 62 თამაში. მისი ნაკრებში დებიუტის, 1994 წლის 15 მაისის შემდეგ მან 1 გოლი გაიტანა.
| პირადი მონაცემები | |||
|---|---|---|---|
| სრული სახელი | არუთიან ვარდანიანი | ||
| დაბადების თარიღი | 5 დეკემბერი, 1970 | ||
| დაბადების ადგილი | გიუმრი, სომხეთის სსრ | ||
| სიმაღლე | 183 სმ | ||
| სათამაშო პოზიცია | მცველი | ||
| ახალგაზრდული კარიერა | |||
| 1988 - 1989 | ლორი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1989 - 1997 | შირაკი | 225 | (56) |
| 1998 - 1999 | ლოზანი | 7 | (0) |
| 1999 - 2000 | ფორტუნა | 33 | (1) |
| 2000 - 2003 | იანგ ბოიზი | 98 | (5) |
| 2003 - 2004 | სერვეტი | 28 | (9) |
| 2004 - 2006 | არაი | 37 | (0) |
| 2006 - 2007 | ბილ-ბენი | 15 | (5) |
| ეროვნული ნაკრები | |||
| 1994 - 2004 | სომხეთი | 62 | (1) |
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
არუთიან ვარდანიანი სომხეთის ნაკრების კაპიტნებს შორის გამოირჩეოდა საკუთარი მრავალმხრივი შესაძლებლობებით. იგი გამორჩეული იყო საკუთარი უნივერსალობით: შეეძლო ნებისმიერი პოზიციის დაცვა და ჰქონდა გადაცემის შესანიშნავი ტექნიკა.
საკლუბო კარიერა
რედაქტირებაარუთიან ვარდანიანი დაიბადა ლენინაკანში (ახლანდელი გიუმრი), თუმცა საფეხბურთო კარიერა ლორი ვანაძორში დაიწყო. 1989 წელს დაბრუნდა ლენინაკაში და თამაში დაიწყო შირაკ გიუმრიში. იგი კლუბში ისტორიაში ყველაზე მეტი ჩატარებული სეზონითა და თამაშით გამოირჩა. შირაკთან ერთად მან 3-ჯერ სომხეთის საფეხბურთო პრემიერლიგა (1992, 1994, 1995) და სომხეთის სუპერთასი (1996) მოიგო. 1997 წელს იგი დასახელდა სომხეთის წლის საუკეთესო ფეხბურთელად. ამ წელს მან სომხეთის კლუბში უკანასკნელი სეზონი ჩაატარა. ამ წელს, მან კონტრაქტი გააფორმა კლუბ ლოზანისთან; მან კლუბში ერთი სეზონი გაატარა. შემდგომ, ვარდანიანი საცხოვრებლად კიოლნიში გადავიდა და კლუბ ფორტუნას შეუერთდა. მან ფორტუნა კიოლნში ორი სეზონი გაატარა, ხოლო შემდეგ დაბრუნდა შვეიცარიაში და კლუბ იანგ-ბოიზს შეუერთდა.
2003 წელს არუთიან ვარდანიანი კლუბ სერვეტს შეუერთდა. სერვეტის შემადგენლობაში მან მოიგო შვეიცარიის სუპერლიგა.
საერთაშორისო კარიერა
რედაქტირებაარუთიან ვარდანიანის დებიუტი სომხეთის ეროვნულ საფეხბურთო ნაკრებში შედგა 1994 წლის 15 მაისს, აშშ-ის ნაკრების წინააღმდეგ გამართულ გასვლით შეხვედრაში (აღნიშნული მატჩი სომხეთის ისტორიაში მეორე ოფიციალური თამაშია).[1][2] ვარდანიანმა ნაკრებში ერთადერთი გოლი აქვს გატანილი; ეს გოლი გაუტანა 1997 წლის 6 სექტემბერს ალბანეთის ნაკრებს.
პირადი ცხოვრება
რედაქტირება2010 წელს ვარდანიანი საკუთარ ოჯახთან ერთად საცხოვრებლად მონ-დე-მარსანში, საფრანგეთში გადავიდა. ის არის ფრანგული ქალაქის ერთ – ერთ ცენტრალურ მოედანზე პატარა კაფის მფლობელი და ოპერატორი.[3]
რესურსები ინტერნეტში
რედაქტირება- არუთიან ვარდანიანი — National-Football-Teams.com
- klisf.info
- armfootball.tripod.com
- არუთიან ვარდანიანი — FootballDatabase.eu
- legioner.kulichki.com
- footballgraph.com
სქოლიო
რედაქტირება- ↑ USA - ARMENIA 1:0. armfootball.tripod.com. ციტირების თარიღი: 13 March 2013.
- ↑ Harutyun Vardanyan. armfootball.tripod.com. ციტირების თარიღი: 13 March 2013.
- ↑ Harutyun Vardanyan in France. დაარქივებულია ორიგინალიდან — 2019-10-30. ციტირების თარიღი: 2019-10-30.