არგენტინა-აზერბაიჯანის ურთიერთობები
არგენტინა-აზერბაიჯანის ურთიერთობები — მოიცავს აზერბაიჯანისა და არგენტინას შორის ორმხრივ დიპლომატიურ ურთიერთობას.
 | |
 არგენტინა |
 აზერბაიჯანი |
ისტორია
რედაქტირებასაბჭოთა კავშირის დაშლის შემდეგ, აზერბაიჯანმა დამოუკიდებლობა 1991 წლის 25 დეკემბერს მოიპოვა. 1992 წლის 9 მარტს არგენტინამ აღიარა აზერბაიჯანის დამოუკიდებლობა და 1992 წლის 8 ნოემბერს ორივე ქვეყანამ ერთმანეთთან დიპლომატიური ურთიერთობები დაამყარა.[1] 2006 წლის აპრილში აზერბაიჯანის საგარეო საქმეთა მინისტრი ელმარ მამედიაროვი არგენტინას ეწვია.[1]
2010 წლის ოქტომბერში აზერბაიჯანმა ბუენოს-აირესში საელჩო გახსნა, ეს საელჩო პირველი იყო აზერბაიჯანის მიერ გახსნილ საელჩოებს შორის სამხრეთ ამერიკაში.[2]
2011 წლის 16-20 ოქტომბერს, არგენტინის სამეცნიერო და ტექნიკური კვლევების ეროვნული ცენტრის (CONICET) პრეზიდენტი მარტა როვირა აზერბაიჯანს ეწვია. ვიზიტის დროს შეხვედრები გაიმართა აზერბაიჯანის მეცნიერებათა ეროვნული აკადემიის პრეზიდენტთან მაჰმუდ კარიმოვთან, განათლების მინისტრ მისირ მარდანოვთან, კომუნიკაციებისა და ინფორმაციული ტექნოლოგიების მინისტრის მოადგილე ელმირ ელიზადესთან და ბაქოს სახელმწიფო უნივერსიტეტის რექტორ აბელ მაჰარამოვთან. მათ ასევე ხელი მოაწერეს შეთანხმებას „ANAS“- სა და „CONICET“- ს შორის თანამშრომლობის შესახებ.[3]
2011 წლის 2 ნოემბერს აზერბაიჯანმა და არგენტინამ ხელი მოაწერეს ურთიერთგაგების მემორანდუმს ინოვაციების, ტექნოლოგიური კვლევებისა და მეცნიერების შესახებ. ხელშეკრულება გაფორმდა ბაქოში, აზერბაიჯანის ეკონომიკური განვითარების სამინისტროსა და არგენტინის მეცნიერების, ტექნოლოგიისა და პროდუქტიული ინოვაციების სამინისტროს შორის. შეთანხმებას აზერბაიჯანული მხრიდან ხელი მოაწერა მინისტრმა შაჰინ მუსტაფაევმა, ხოლო არგენტინის მხრიდან მინისტრმა ლინო ბარანაჯომ.[4]
2011 წლის სექტემბერში არგენტინელი კანონმდებლების დელეგაცია აზერბაიჯანს ეწვია, აზერბაიჯანის დამოუკიდებლობის 20 წლისთავი აღსანიშნავად.[1] 2012 წელს არგენტინამ საელჩო გახსნა ბაქოში.[5] 2012 წლის 18 თებერვალს, არგენტინის რესპუბლიკის პრეზიდენტის, კრისტინა ფერნანდესის ბრძანებით, კარლოს დანტე რივა აზერბაიჯანის რესპუბლიკაში არგენტინის ელჩად დაინიშნა.[3] 2012 წლის მარტში არგენტინის საგარეო საქმეთა მინისტრი ჰექტორ ტიმერმანი აზერბაიჯანს ეწვია და პრეზიდენტ ილჰამ ალიევს შეხვდა.[1]
2014 წლის 21 აპრილს შეხვედრა შედგა ეკონომიკისა და ინდუსტრიის მინისტრ შაჰინ მუსტაფაევსა და არგენტინის ელჩ კარლოს დანტე რივას შორის.[3]
2015 წლის 23 სექტემბერს აზერბაიჯანმა და არგენტინამ ხელი მოაწერეს შეთანხმებას ტექნიკური თანამშრომლობის შესახებ. დოკუმენტს ხელი აზერბაიჯანის ეკონომიკისა და ინდუსტრიის მინისტრმა შაჰინ მუსტაფიეევმა და არგენტინის საგარეო საქმეთა, საერთაშორისო ვაჭრობისა და თაყვანისმცემლობის მინისტრის მოადგილემ ედუარდო სუინმა მოაწერეს, რომლებიც ბაქოში იმყოფებოდნენ.[6]
2016 წლის სექტემბერში, არგენტინის დეპუტატთა პალატის მეორე ვიცე-პრეზიდენტის, პატრიცია ჯიმენესის ხელმძღვანელობით, აზერბაიჯანს დელეგაცია ეწვია, ბაქოში მე-5 საერთაშორისო ჰუმანიტარულ ფორუმზე დასასწრებად. დელეგაციას შეხვდნენ აზერბაიჯანის რესპუბლიკის პრეზიდენტი ილჰამ ალიევი და პირველი ლედი, მეჰრიბან ალიევა. დელეგაცია ასევე შეხვდა საგარეო საქმეთა მინისტრს და პარლამენტის ვიცე-სპიკერს . [3]
რესურსები ინტერნეტში
რედაქტირება- Azərbaycan Respublikasının Argentinadakı Səfirliyinin rəsmi saytı დაარქივებული 2013-07-15 საიტზე Wayback Machine.
- Мамед Ахмедзаде: «Азербайджано-аргентинские отношения имеют широкие перспективы»
სქოლიო
რედაქტირება- ↑ 1.0 1.1 1.2 1.3 Relaciones bilaterales: Argentina-Azerbaiyán (in Spanish). დაარქივებულია ორიგინალიდან — 2017-08-02. ციტირების თარიღი: 2019-10-27.
- ↑ Azerbaiyán inaugura en la Argentina su primera embajada en Sudamérica (in Spanish). დაარქივებულია ორიგინალიდან — 2017-12-22. ციტირების თარიღი: 2019-10-27.
- ↑ 3.0 3.1 3.2 3.3 Bilateral relations. დაარქივებულია ორიგინალიდან — 2017-08-02. ციტირების თარიღი: 2019-10-27.
- ↑ Documents on en.president.az.
- ↑ Nuevo Embajador argentino en Azerbaiyán (in Spanish). დაარქივებულია ორიგინალიდან — 2017-12-22. ციტირების თარიღი: 2019-10-27.
- ↑ Azerbaijan, Argentina boost ties.