არატე (ძვ. ბერძნ. Ἄρᾱτος ὁ Σολεύς დ. დაახლოებით ძვ. წ. 315 — გ. ძვ. წ. 240) — ძველი ბერძენი დიდაქტიკოსი-პოეტი და ასტრონომი კილოკიის ქ. სოლედან.

Phaenomena

მრავალ სხვა ნაწარმოებთან ერთად დაწერა დიდაქტიკური პოემა „ფენომენა“ („ციური მოვლენები“), რომელიც ევდოქსეს (ძვ. წ. 390 — ძვ. წ. 337) ასტრონომიული მოძღვრების გადმოცემაა. პოემაში მან შეიტანა თქმულებები ციურ სხეულებზე და ცნობები ამინდის ნიშნებზე. „ფენომენა“ მეტად პოპულარული თხზულება იყო ანტიკურ სამყაროში (ლათინურად თარგმნეს ციცერონმა, გერმანიკუსმა, ავიენუსმა) და შუა საუკუნეების ევროპაში. პოემიის უდიდესმა ნაწილმა ჩვენამდე მოაღწია.

ლიტერატურა რედაქტირება