არაბული ვიკიპედია

არაბული ვიკიპედია (არაბ. ويكيبيديا العربية ან ويكيبيديا، الموسوعة الحرة) — ვიკიპედიის განყოფილება არაბულ ენაზე. თავისუფალი ღია ინტერნეტ ენციკლოპედია. გაეშვა 2003 წლის 9 ივლისს. 2012 წლის მარტის მდგომარეობით შეიცავდა 170 000 სტატიას. დარეგისტრირებულია 400 ათასზე მეტი მომხმარებელი, არსებობს 12,000 გამოსახულება. დღეისათვის არაბული ვიკიპედია სტატიების რაოდენობით 25-ე ადგილზეა და სემიტურ ენებზე არსებული ერთადერთი ვიკიპედიაა, რომელიც სცდება სტატიების 100,000 ზღვარს. სხვა ვიკიპედიებთან შედარებით არაბული ვიკიპედიის იერ-სახე განსხვავებულია. განსაკუთრებით თავისებურია არაბული ენა, რომლის დამწერლობის ტექსტი იწერება მარჯვნიდან მარცხნივ (როგორც საერთოდ სემიტურ დამწერლობაში).

არაბული ვიკიპედია ويكيبيديا العربية
მისამართი:	ar.wikipedia.org
კომერციული:	არა
საიტის ტიპი:	ქსელური ენციკლოპედია
რეგისტრაცია:	არა არის სავალდებულო
ენა:	არაბული
მფლობელი:	ფონდი ვიკიმედია
სტატიების რაოდენობა:	1 244 897
გვერდების რაოდენობა:	8 548 864
რედაქტირებების რაოდენობა:	68 302 267
დარეგისტრირებული მომხმარებელი:	2 647 741
აქტიური მომხმარებელი:	5 007
ადმინისტრატორი:	25
სიღრმე:	275

2008 წლის 30 აპრილს სირიაში მთავრობის მიერ ოფიციალური მიზეზის გარეშე არაბული ვიკიპედია დაიბლოკა. არაბულ ვიკიპედიას ბლოკი მოეხსნა 2009 წლის 13 თებერვალს. დაბლოკვისა და ბლოკის მოხსნის მიზეზები არ გახმაურდა. დღემდე არის დაბლოკილი Wikimedia. 2008 წლის 2 აპრილს მუშაობაში გაეშვა ვიკიპედიის განყოფილება არაბული ენის ერთ-ერთ დიალქტზე, ამრიგად შეიქმნა – ეგვიპტურ-არაბული ვიკიპედია.

არაბულ ვიკიპედიას ჰყავს 24 ადმინისტრატორი. აქტიურ მომხმარებელთა რიცხვი 3 ათასს ადამიანს აღემატება.

რესურსები ინტერნეტში

• არაბული ვიკიპედია (არაბული ენა)
• არაბული ვიკიპედია – მობილური ვერსია (არაბული ენა)