ანატოლი კამკამიძე
ანატოლი მიხეილის ძე კამკამიძე (დ. 7 ივნისი, 1936, სოფ. ღარიხევი, ახლანდ. ხარაგაულის მუნიციპალიტეტი, — გ. 23 ივნისი, 1999, ლვივი, უკრაინა) — საბჭოთა, რუსეთის და საქართველოს სამხედრო მოღვაწე, გენერალ-პოლკოვნიკი (1992).
დაამთავრა ოდესის კ. ვოროშილოვის სახელობის სამხედრო სასწავლებელი (1957). მსახურობდა საბჭოთა ჯარების დაჯგუფებაში გერმანიის დემოკრატიულ რესპუბლიკაში. 1970 წელს დაამთავრა მ. ფრუნზეს სახელობის სამხედრო აკადემია (მოსკოვი) და დაინიშნა მოტომსროლელი პოლკის (1972), შემდეგ კი — მოტომსროლელი დივიზიის მეთაურად (1974). 1976 წელს მიენიჭა გენერალ-მაიორის, 1984 წელს — გენერალ-ლეიტენანტის წოდება. 1981-1991 წლებში იყო კარპატისპირეთის სამხედრო ოლქის ჯარების სარდლის მოადგილე. 1992 წელს საქართველოს მთავრობის მიწვევით დაბრუნდა საქართველოში და დაინიშნა თავდაცვის მინისტრის პირველ მოადგილედ. 1992-1993 წლებში საქართველოს შეიარაღებული ძალების სარდალი.
ლიტერატურა
რედაქტირება- დოლიძე, ლ., ენციკლოპედია „საქართველო“, ტ. 4, თბ., 2018.