ალეში

ალეში — ქართული აბორიგენული წითელყურძნიანი საღვინე ვაზის ჯიში რაჭიდან.

ბოტანიკური აღწერა

ზრდასრული ფოთოლი საშუალო ან მცირე ზომისაა, მომრგვალო, სამ-ხუთნაკვთიანი. ფოთლის ქვედა მხარე თხელ აბლაბუდისებრადაა შებუსული. ყვავილი ორსქესიანი. მტევანი მცირე ზომისაა, კონუსური ფორმის, საშუალო სიკუმსის. მარცვალი მომრგვალოა, მსხვილი, იშვიათად საშუალო ზომის, მუქი წითელი ან შავი. სქელკანიანია, ცვილისებრი ფიფქით სუსტად დაფარული. რბილობი წვნიანი აქვს, წვენი — შეუფერავი, გემო — სასიამოვნო.

ალეში ძლიერი ზრდისა და მაღალმოსავლიანია. სრულ სიმწიფეში ოქტომბრის მეორე ნახევარში შედის. მტევნის წონა 280 გრამია, საჰექტარო მოსავლიანობა — 18.9 ტონა. ყურძნის სრული სიმწიფის პერიოდში მისი შაქრიანობა აღწევს 17%-ს, ხოლო მჟავიანობა — 8 გ/ლ-ს.

მიიღება სუფრის წითელი, მშრალი ღვინო.

ლიტერატურა

• უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 29