ალექსანდრე იმნაძე
ალექსანდრე იმნაძე (დ. 31 დეკემბერი, 1919, თბილისი — გ. 1 ოქტომბერი, 1981) — ქართველი გეოგრაფი და პედაგოგი.
| ალექსანდრე იმნაძე | |
|---|---|
 | |
| დაბ. თარიღი | 31 დეკემბერი, 1919 |
| დაბ. ადგილი | თბილისი |
| გარდ. თარიღი | 1 ოქტომბერი, 1981 (61 წლის) |
| მოქალაქეობა |
 სსრკ |
| საქმიანობა | გეოგრაფი |
| ალმა-მატერი | თბილისის სახელმწიფო უნივერსიტეტი |
ბიოგრაფია რედაქტირება
ალექსანდრე იმნაძემ დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ჰიდრო-კლიმატოლოგიის სპეციალობით 1941 წელს.[1]
1941–1945 წლებში იმყოფებოდა წითელი არმიის რიგებში. 1945 წელს მუშაობას იწყებს საქართველოს ჰიდრომეტეოროლოგიურ სამმართველოში; 1952 წლამდე იყო თბილისის აერომეტეოროლოგიური სადგურის უფროსი ინჟინერ-სინოპტიკოსი; 1952–1957 წლებში ამ სადგურის უფროსი; 1957–1978 წლებში მუშაობდა თბილისის ამინდის ბიუროში — გრძელვადიანი პროგნოზების განყოფილებაში. წლების მანძილზე ლექციებს კითხულობდა თბილისის სახელმწიფო უნივერსიტეტის გეოგრაფია-გეოლოგიის ფაკულტეტის მეტეოროლოგიის სპეციალობის სტუდენტებთან. გამოქვეყნებული აქვს რიგი სამეცნიერო ნაშრომი.[1]
ბიბლიოგრაფია რედაქტირება
- მეტეოროლოგიური დაკვირვება სკოლაში. თბილისი, ცოდნა, 1961.