აზერბაიჯანის ფრენბურთის ცენტრი
აზერბაიჯანის ფრენბურთის ცენტრი (აზერ. Azərbaycan Voleybol Mərkəzi) — სპორტული კომპლექსი, რომელიც მდებარეობს ბაქოში. ცენტრი აშენდა როგორც აზერბაიჯანის ფრენბურთის ფედერაციის, ასევე ადგილობრივი და საერთაშორისო სპორტული ღონისძიებების გასამართად. ის 2012 წლის 18 ოქტომბერს, აზერბაიჯანის ეროვნული დამოუკიდებლობის დღეს გაიხსნა.
საერთო ცნობები
რედაქტირებაკომპლექსის მშენებლობა 2011 წლის თებერვალში დაიწყო და 2012 წელს დასრულდა. პროექტი განახორციელა VIP Sport Construction-მა[1].
გახსნის დღეს ქალთა ფრენბურთის სუპერლიგის მატჩები ჩატარდა.
ცენტრში აზერბაიჯანის ფრენბურთის ფედერაცია და კლუბების „აზერიოლი“ და „აზერრეილი“ ბაზებია განთავსებული.
შენობა სამსართულიანია და აღჭურვილია თანამედროვე ინფრასტრუქტურით: საკონფერენციო დარბაზი, სასწავლო ოთახები, სამედიცინო ცენტრი და სასადილო ოთახი[1].
ექვსსართულიან სასტუმროში განთავსებულია 36 ნომერი (მათ შორის 2 VIP ოთახი), რესტორანი და კაფეტერია. სასტუმრო განკუთვნილია სპორტსმენებისა და სტუმრებისთვის, რომლებიც მონაწილეობენ საერთაშორისო შეჯიბრებებსა და ბანაკებში[2].
სტადიონი აკმაყოფილებს ევროპის ფრენბურთის კონფედერაციისა და ფრენბურთის საერთაშორისო ფედერაციის სტანდარტებს. ტრიბუნების ტევადობა: 2,000 მაყურებელი. დარბაზი აღჭურვილია LED მონიტორებითა და თანამედროვე ტაბლოთი, რომელიც რეკომენდირებულია ევროპული სტანდარტებით.
ცენტრი მასპინძლობს აზერბაიჯანის ქალთა ფრენბურთის სუპერლიგის მატჩებს; ბაქოს ფრენბურთის კლუბების „აზერიოლის“, „აზერრეილის“ და „ლოკომოტივის“ საერთაშორისო თამაშებს; ევროლიგის შეხვედრებს, სემინარებსა და კონფერენციებს[3].