ავთო მოსიაშვილი

ალექსანდრე (ავთო) მოსიაშვილი (დ. 10 სექტემბერი, 1939, დუშეთი — გ. 10 მარტი, 2023) — ქართველი მხატვარი. საქართველოს დამსახურებული მხატვარი (1990). მისი ნამუშევრები დაცულია მოსკოვის ტრეტიაკოვის გალერეაში და აღმოსავლეთის ხელოვნების მუზეუმში.

ავთო მოსიაშვილი
დაბადების თარიღი	10 სექტემბერი, 1939 დუშეთი, საქართველოს სსრ, სსრკ
გარდაცვალების თარიღი	10 მარტი, 2023 (83 წლის)
ეროვნება	ქართველი
მოქალაქეობა	სსრკ →  საქართველო
განათლება	თბილისის სამხატვრო აკადემია
პროფესია	ფერწერა, მხატვარი
ჯილდოები

ბიოგრაფია

ალექსანდრე (ავთო) მოსიაშვილი, დაიბადა ქ. დუშეთში 1939 წლის 10 სექტემბერს. სწავლობდა დუშეთის I საშ. სკოლაში. სკოლის დამთავრების შემდეგ სწავლა განაგრძო თბილისის ი. ნიკოლაძის სახელობის სამხატვრო სასწავლებელში ფერწერის განხრით. სასწავლებლის დამთავრების შემდეგ იგი აგრძელებს სწავლას თბილისის სახელმწიფო სამხატვრო აკადემიაში.

1974 წლიდან არის მხატვართა კავშირის წევრი. გამოფენებში მონაწილეობას იღებს 1969 წლიდან.

1986 წელს ტოკიოში მხატვართა საერთაშორისო გამოფენაზე დაჯილდოებული იყო ოქროს მედლით სურათისთვის „ცივი დღე“. 1990 წელს მიენიჭა საქართველოს დამსახურებული მხატვრის წოდება. თბილისში გამართულ საერთაშორისო საშობაო ფესტივალის გამოფენებში დაჯილდოვდა პირველი, სამჯერ მეორე პრემიით.

1990 წელს გაიმართა პირველი პერსონალური გამოფენა ქ. მოსკოვში. 2004 წელს მხატვრის პერსონალური გამოფენა საქართველოს ეროვნლ გალერეაში.

2009 წელს მოეწყო პერსონალური გამოფენა გალერეა „დი-არტში“. იგი მონაწილეობდა ჯგუფურ გამოფენებში: პოლონეთში, ლიეტუვა, ლატვია, ბულგარეთი, მოსკოვი. მისი ნამუშევრები დაცულია მოსკოვის ტრეტიაკოვის გალერეაში და აღმოსავლეთის ხელოვნების მუზეუმში.

მისი ნამუშევრები გამოფენილი იყო: საფრანგეთში, ნორვეგიაში, პოლონეთში, იტალიაში, საბერძნეთში, ინგლისში, მალტაში, შვეიცარიაში, უკრაინაში, სომხეთში.

2017 წელს დაჯილდოვდა „საამაყო დიდუბელის“ წოდებითა და მედლით. 2018 წელს საქართველოს მხატვართა კავშირის წარდგინებით იგი დაჯილდოვდა „ღირსების ორდენით“.

ნაშრომები, ფერწერა

• „ნისლიანი დღე“
• „წვიმამ გადაიღო“
• „ძველი სახლი“
• „კომპოზიცია“
• „დები“
• „ძველი გემი“
• „თეთრი ოთახი“
• „ნოსტალგია“
• „ზამთრის მიწურული“
• „წვიმის შემდეგ“
• „თეთრი სახლი“
• „ოცნება“
• „თეთრი ლაქა“
• „სოფლის ბოლო“
• „სიზმარი“
• „თბილი დღე“
• „ძველი წისქვილი“
• „ჩემი სალოცავი“
• „თავისუფლება“
• „ქალი ჭიშკართან“
• „შემოდგომა“
• „დაბადება“
• „მუსიკოსები“ და სხვა მრავალი

რესურსები ინტერნეტში

• მოკლე შემოქმედებითი ბიოგრაფია და ნამუშევრების რეპროდუქციები
• თბილისში ცნობილი ქართველი აბსტრაქციონისტი მხატვრის გამოფენა გაიხსნება