აბომაზოტომია

აბომაზოტომია (ლათ. abomasum — „მაჭიკი“ და ძვ. ბერძნ. τομή — „გაკვეთა“) — მუცლის კედლიდან მაჭიკის (მცოხნავი ცხოველის კუჭი) გაკვეთის მეთოდი.

1936 წელს პირველად გამოიყენა საბჭოთა ვეტერინარმა ქირურგმა ს. ელცოვმა ცხვრის მაჭიკისაგან მცენარეული და ცხოველური წარმოშობის მკვრივი წარმონაქმნის (ბეზოარის) მოსაცილებლად. აბომაზოტომიას მიმართავენ აგრეთვე ძროხის მაჭიკის ჩაბრუნებისას ან მკვრივი საკვები მასითა და ლამით მისი დაცობის დროს.

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 31.