კონსტრუქციული ექსპრესიონიზმი

კონსტრუქციული ექსპრესიონიზმი (ინგლ. Structural Expressionism) — სტილი მოდერნისტულ არქიტექტურაში, რომელშიც შენობის შიდა კონსტრუქციული ელემენტები გამოსახულია მის გარეგნობაში. სტილი 1960-იან წლებში ჩაისახა, თუმცა პოპულარული მხოლოდ 1980-იან წლებში გახდა. ბრუტალიზმის მსგავსად კონსტრუქციული ექსპრესიონიზმის შენობებში გამოაშკარავებულია მათი სტრუქტურა, როგორც გარეთ, ისე შიგნითაც, თუმცა ვიზუალური აქცენტი გაკეთებულია შიდა ფოლადის და/ან ბეტონის ჩონჩხის კონსტრუქციაზე ექსტერიერის ბეტონის კედლების ნაცვლად. ამ სტილს ზოგჯერ „ჰაი-ტექ“ მოდერნიზმსაც უწოდებენ. სტილის ერთ-ერთი პირველი გამომყენებელი ბრიტანელი არქიტექტორი ნორმან ფოსტერია, რომლის ნამუშევრებმა მას ლორდის წოდება მოუტანა.

ჩინეთის ბანკის ტაუერი ჰონგ-კონგში.

ჰერსტ ტაუერი ნიუ-იორკში.

ამ სტილის შენობები, როგორც წესი, შედგება წმინდა მინის ფასადისგან, რომლის უკან გამოჩენილია შენობის საყრდენი კარკასის ქსელი. ამ სტილში აგებული ყველაზე განთქმული და ადვილად ცნობადი შენობა ეკუთვნის ჩინელ არქიტექტორ იუჰ მინ პეის - ჩინეთის ბანკის ტაუერი ჰონგ-კონგში.

ცნობილი ნიმუშები

• Irvine Company-ს შტაბ-ბინა, ნიუპორტ-ბიჩი, კალიფორნია, აშშ (უ. პერეირა, 1968)
• ჯონ ჰენკოკის ცენტრი, ჩიკაგო, აშშ (ფაზლურ ხანი, 1969)
• მსოფლიო სავაჭრო ცენტრი, ნიუ-იორკი, აშშ (იამასაკი მინორუ, 1971) (დაინგრა 2001)
• პომპიდუს ცენტრი, პარიზი, საფრანგეთი (რენცო პიანო და რ. როჯერსი, 1977)
• HSBC ჰონგ-კონგის სათავო ოფისის შენობა, ჰონგ-კონგი (ნ. ფოსტერი, 1985)
• ლოიდს ბილდინგი, ლონდონი, გაერთიანებული სამეფო (რ. როჯერსი, 1986)
• ჩინეთის ბანკის ტაუერი, ჰონგ-კონგი (ი. მ. პეი, 1989)
• ჰოტელ არტსი, ბარსელონა, ესპანეთი (სკიდმორი, ოვინგსი და მერილი, 1992)
• გერკინი, ლონდონი, გაერთიანებული სამეფო (ნ. ფოსტერი, 2003)
• ჰერსტ ტაუერი, ნიუ-იორკი, აშშ (ნ. ფოსტერი, 2004)

არქიტექტურის პორტალი – დაათვალიერეთ ვიკიპედიის სხვა სტატიები არქიტექტურასა და ურბანიზმზე.