Samsung Galaxy Note II
Samsung Galaxy Note II — კომპანია სამსუნგის მობილური ტელეფონი, რომელიც თავის თავში პლანშეტური კომპიუტერისა და კომუნიკატორის თვისებებს აერთიანებს და ანდროიდის ოპერაციულ სისტემაზე მუშაობს. სხვა კომუნიკატორებისგან გამოირჩევა დიდი ეკრანით (5,55 დუიმი ანუ 151 მმ) და S Pen-ით, რომელთაც სპეციალური პროგრამული უზრუნვლყოფა ესაჭიროება. აპარატი Samsung Galaxy Note-ის პირდაპირი მემკვიდრეა. აღჭურვილია Samsung Exynos 4412-ის ოთხბირთვიანი პროცესორით და 1600 მგც ტაქტური სიხშირით. ეკრანის გადაწყვეტაა 1280×720; ტელეფონს აქვს 2 გბ ოპერატიული მეხსიერება, 8-მეგაპიქსელიანი კამერა, რომელსაც შეუძლია Full HD 1080p ვიდეოგადაღება; წინა კამერა კი 2-მეგაპიქსელიანია და ვიდეოზარებისთვის არის განკუთვნილი.
| Samsung Note II | |
|---|---|
 | |
| მწარმოებელი | Samsung Electronics |
| სიხშირეთა დიაპაზონი |
GSM/GPRS/EDGE 850/900/1800/1900 UMTS (3G) 900/1700/1900/2100 HSPA+ სიჩქარე 21,6 მბიტ/წ-მდე HSUPA სიჩქარე 5,76 მბიტ/წ-მდე |
| საოპერაციო სისტემა | Android 4.1.2 (Jelly Bean) |
| კორპუსის ტიპი | ფაბლეტი |
| მასა | 180 გ. |
| ზომა | 151, 1x80, 6x21 9,4 სმ³ |
| ფოტოკამერა | 8 მეგაპიქსელი |
| ინტერფეისები | TouchWiz 5.0 |
სმარტფონი გაყიდვაში გამოვიდა და თავიდანვე Android 4.1.1 Jelly Bean-ის ოპერაციული სისტემის თანამედროვე ვერსიით მუშაოდა, ხოლო ინტერფეისის სახით იყენებდა TouchWiz-ის საფირმო გარსს.
ისტორია
რედაქტირებაGalaxy Note II 2012 წლის 20 აგვისტოს წარმოადგინეს გამოფენაზე IFA 2012, ხოლო გაყიდვაში იმავე წლის ოქტომბრის დამდეგს გაუშვეს. გაყიდვიდან 37 დღეში უკვე 3 მლნ-ზე მეტი ეგზემპლარი იყო გაყიდული, ორი თვის თავზე კი გაყიდვების რაოდენობამ 5 მლნ-ს მიაღწია.
მახასიათებლები
რედაქტირებაGalaxy Note II აღჭურვილია 5,55 დუიმიანი ეკრანით HD Super AMOLED S-Stripe RGB, 1280×720 გარჩევადობით; Exynos-ის 1,6 გგც ოთხბირთვიანი პროცესორით; 2 გბ ოპერატიული მეხსიერებით; ორი კამერით: 8-მეგაპიქსელიანი მთავარი და 2-მეგაპიქსელიანი წინა კამერით. აკუმულატორის მოცულობა კი 3100 მА·სთ-ია. ეს მოწყობილობა შედარებით თხელია თავის წინამორბედზე (9,4 მმ წინააღმდეგ 9,7), თუმცა 2 გრამით მძიმეა. მოდელიდან გამომდინარე სარგებლობს HSPA+ 21 Mbps-ის, ანდაც 4G LTE(42.2 Mbit/s DC-HSPA+)-ის მხარდაჭერით. Wi-Fi-ის მუშაობა უზრუნველწყოფილია Broadcom BCM4334-ის ჩიპსეტით, რომელიც მხარდაჭერილია IEEE 802-ით 11 a/b/g/n Wi-Fi 2.4 გგც--ით და 5 გგც dual-band მაქსიმალური სისწრაფით 150 Mbps. გარდა ამისა, ჩაყენებულია Bluetooth-ის 4.0 ვერსიის მოდული HS-ის მხარდაჭერით, ასევე FM რადიო.
Galaxy Note II იყიდება 16, 32 ანდაც 64 გბ ფლეშ-მეხსიერებით, თუმცა ექვემდებარება დამატებით 64 გბ-ით გაფართოაბას microSD-ის ბარათის გამოყენებით.