SWIFT
SWIFT (ინგლ. Society for Worldwide Interbank Financial Telecommunications) — ბანკთაშორისი კომუნიკაციის საერთაშორისო სისტემა, რომელსაც ბანკები იყენებენ ინფორმაციის სწრაფი და უსაფრთხო გაცვლისათვის. იგი თავისთავად არ წარმოადგენს საგადახდო სისტემას — მხარეებს შორის არ ითავსებს ანგარიშსწორებისა და ორმხრივი კლირინგის ფუნქციებს.
 | |
| შეიქმნა | 3 მაისი, 1973 |
|---|---|
| ტიპი | ორგანიზაცია |
| ქვეყანა | ბელგია |
| კავშირები | OpenAPI Initiative[1] |
| https://www.swift.com/ | |
დაარსდა 1973 წელს. თანადამფუძნებლები იყვნენ 248 ბანკი 19 ქვეყნიდან. SWIFT-ის შტაბ-ბინა მდებარეობს ლა ჰულპში (ბელგია). SWIFT არის კოოპერატიული საზოგადოება, რომელიც შეიქმნა ბელგიის კანონმდებლობით და ეკუთვნის მის წევრებს. 2015 წლის მონაცემებით, SWIFT-ის წევრები მოიცავს 11 ათასზე მეტ ფინანსურ ორგანიზაციას 200-ზე მეტ ქვეყანაში, მათ შორის დაახლოებით 1000 კორპორაციაში. საშუალო ბრუნვა შეადგენს 30 მილიონზე მეტ შეტყობინებას დღეში.
აბონენტების მისამართი სისტემა ეფუძნება ე.წ. BIC-ს (ინგლ. Business Identifier Code, ადრე ცნობილი როგორც Bank Identifier Code), მინიჭებული საერთაშორისო სტანდარტის ISO 9362-ის შესაბამისად. იგი ზოგჯერ მოიხსენიება, როგორც SWIFT-BIC, SWIFT ID ან SWIFT კოდი. პრაქტიკულად, ევროპაში გადახდის შესასრულებლად, საკმარისია მიმღების სახელისა და საბანკო ანგარიშის IBAN-ის კოდის (რომელიც უკვე შეიცავს ინტერპრეტირებულ BIC-ს) ცოდნას.