Hunter × Hunter

„Hunter × Hunter“ (იაპონ. ハンター×ハンター Hantā Hantā, შემოკლება: HxH) — იაპონური მანგას სერია, რომლის სცენარის ავტორი და მხატვარია იოსიჰირო ტოგასი. იგი გამოიცემა Weekly Shōnen Jump-ში 1998 წლის 3 მარტიდან, თუმცა 2006 წლიდან გამოშვება დროდადრო წყდება. 2017 წლის ივნისისთვის 37 ტომის სახით Shueisha-ს მიერ გამოიცა „Hunter × Hunter“-ის 360 თავი.

Hunter × Hunter
Hunter × Hunter-ის პირველი გამოცემის გარეკანი, Shueisha, 4 ივნისი, 1998
ハンター×ハンター (Hantā Hantā)
ჟანრი	სათავგადასავლო, ფენტეზი
მანგა
ავტორი	იოსიჰირო ტოგასი
გამომცემელი	Shueisha
გამომცემელი ინგლისურად	ჩრ.ა. Viz Media
დემოგრაფია	სიოენი
იმპრინტი	Jump Comics
ჟურნალი	Weekly Shōnen Jump
ჟურნალი (ინგლისურად)	ჩრ.ა. Weekly Shonen Jump
გამოიცა	3 მარტი, 1998
ტომები	37
ანიმე ფილმი
Hunter × Hunter - Jump Super Anime Tour 98
რეჟისორი	ნორიუკი აბე
სტუდია	Studio Pierrot
გამოსვლის თარიღი	26 ივლისი, 1998 – დღემდე
ხანგრძლივობა	26 წთ.
ანიმე ტელესერიალი
რეჟისორი	კაძუჰირო ფურუჰასი
სცენარი	ნობუაკი კისიმა
მუსიკა	ტოსიჰიკო საჰასი
სტუდია	Nippon Animation
ლიცენზიატი	ჩრ.ა. Viz Media
ორიგინალური არხი	Fuji TV
ინგლისურად ჩვენება	აშშ Funimation Channel
ორიგინალური ეთერი	16 ოქტომბერი, 1999 – 31 მარტი, 2001
ეპიზოდები	62
ორიგინალური ვიდეო ანიმაცია
Hunter × Hunter-ის ოვა
რეჟისორი	სატოსი საგა (1–8) იუკიჰირო მაცუსიტა (9–16) ტაკესი ჰიროტა (17–30)
სცენარი	ნობუაკი კისიმა
მუსიკა	ტოსიჰიკო საჰასი
სტუდია	Nippon Animation
გამოსვლის თარიღი	17 იანვარი, 2002 – 18 აგვისტო, 2004
ეპიზოდები	30
ანიმე ტელესერიალი
რეჟისორი	ჰიროსი კოძინა
სცენარი	აცუსი მაეკავა ცუტომუ კამისირო
მუსიკა	იოსიჰისა ჰირანო
სტუდია	Madhouse
ლიცენზიატი	ჩრ.ა. Viz Media
ორიგინალური არხი	NTV (და NNS-ის სხვა არხები)
ინგლისურად ჩვენება	ს.ა.აზ. Animax Asia აშშ Adult Swim (Toonami)
ორიგინალური ეთერი	2 ოქტომბერი, 2011 – 24 სექტემბერი, 2014
ეპიზოდები	148
დაკავშირებული მედია
Hunter × Hunter: Phantom Rouge (2013) Hunter × Hunter: The Last Mission (2013)

სერიის მთავარი პერსონაჟი გონ ფრიკსია, რომელიც შეიტყობს, რომ მამამისი, რომელიც დაღუპული ეგონა, სინამდვილეში ცოცხალია და ფლობს მონადირის პროფესიას. მონადირეები ამ სამყაროში ეძებენ იშვიათ არსებებს, განძს, იკვლევენ მანამდე უცნობ ადგილებს ან იჭერენ საშიშ დამნაშავეებს. მამის პოვნის მიზნით გონი გადაწყვიტავს, თავადაც მონადირე გახდეს. მოგზაურობებისას იგი ახალ მეგობრებს შეიძენს და მრავალ მტერს ხვდება.

1999 წელს Hunter × Hunter Nippon Animation-ის მიერ ადაპტირებული იქნა 62 ეპიზოდიან ანიმე-ტელესეირალად. იგი 2001 წლამდე Fuji TV-ზე გამოდიოდა. 2002–2004 წელს გამოვიდა 30 ეპიზოდისგან შემდგარი სამი ცალკე ოვა – 1999 წლის ტელესერიალის გაგრძელება და მისი მეორე ნაწილი. მანგას მიხედვით მეორე ტელესერიალი შეიქმნა Madhouse-ის მიერ. იგი გადიოდა Nippon Television-ზე 2011 წლის ოქტომბრიდან 2014 წლის სექტემბრამდე. 2013 წელს გამოვიდა იმავე სტუდიის ორი სრულმეტრაჟიანი ანიმე – „Hunter × Hunter: Phantom Rouge“ და „Hunter × Hunter: The Last Mission“

მანგას დადებითი შეფასება მიენიჭა ძირითადი მკითხველის და კრიტიკოსების მიერ. იგი წარმოადგენს Shueisha-ს ერთ-ერთ ყველაზე წარმატებულ ნაწარმს – 2014 წლის თებერვლისთვის გაყიდული 66 მილიონი ტომით.

სიუჟეტი

Hunter x Hunter-ის სამყაროს რუკა

გამოგონილ სამყაროში მონადირეები ფლობენ განსაკუთრებულ შესაძლებლობებს. მაგალითად, მხოლოდ მათთვისაა ცნობილი, სად არის დაკარგული მიწები ან უძველესი განძი. მათთვის ცნობილია სამყაროს ყველაზე დიდი საიდუმლოებები. მათში ყველაზე რჩეულებს მინიჭებული აქვთ სისხლიანი შურისძიების, მკვლელობის და ადამიანებზე ნადირობის უფლებაც. გონ ფრიკსი, მთავარი პერსონაჟი, 12 წლის ახალგაზრდაა, რომელსაც უნდა მონადირეების გამოცდის ჩაბარება, რათა იპოვოს მამა. თუმცა, მამის ბიძაშვილი მიტო (რომელიც გონის აღმზრდელია) სასტიკი წინააღმდეგია, რადგან შიშობს, რომ იგი შეიძლება საკუთარი მამის კვალს გაჰყვეს, რომელმაც ნადირობის გამო ყველაფერი დატოვა, საკუთარი ოჯახიც კი. გონი იძენს მეგობრებს, კურაბიკას, ლეორიოს და კილუას, და მათთან ერთად უამრავ თავგადასავალს გადის.

რესურსები ინტერნეტში

• შეგიძლიათ იხილოთ მედიაფაილები თემაზე „Hunter × Hunter“ ვიკისაწყობში.
• Hunter × Hunter-ის მანგას ოფიციალური საიტი. დაარქივებულია ორიგინალიდან — 13 ივლისი, 2011. ციტირების თარიღი: 17 დეკემბერი, 2004. (იაპონური)
• Viz Media-ს ოფიციალურ საიტზე
• Nippon Television-ის ოფიციალურ საიტზე (2011) (იაპონური)
• VAP-ის საიტზე (2011) (იაპონური)
• Adult Swim-ის საიტზე (2011) დაარქივებული 2017-11-20 საიტზე Wayback Machine.
• „Hunter × Hunter“ (მანგა) საიტის Anime News Network ენციკლოპედიაში