ჯვრის პოვნის საკითხავი MS 1600

ჯვრის პოვნის საკითხავი MS 1600 — X საუკუნის ქართული ხელნაწერი.

აღწერა

ხელნაწერი შედგება 2 ფურცლისგან; შესრულებულია ეტრატზე (ზომები 23×20 სმ.), გადაწერილია ფსევდო ათანასეს ჯვრის საკითხავი. ქართულ ხელნაწერ ტრადიციაში ეს ჰომილია ფრაგმენტის სახით გვხვდება მხოლოდ კლარჯულ მრავალთავში (ხეც A 144, 208r). კოლექციის ვებგვერდზე გამოტანილი ინფორმაციის თანახმად, შოიენის ეს ხელნაწერი უკავშირდება ლაიფციგის უნივერსიტეტის God. Ms. V 1096. UB ერთეულს, რომელიც 3 სხვადასხვა ქართული ფრაგმენტისგან შედგება (შდრ. God. Ms. V 1096. UB). მთავრულით. ლაიფციგის ხელნაწერი ფურცლების დღეისათვის მღებული რაობისა და ზომების მიხედვით, კავშირი შოიენისა და ლაიფციგის ფურცლებს შორის ნაკლებ სავარაუდოა. ვფიქრობთ, მხოლოდ ორივე ფრაგმენტში სრულყოფილი ტექსტოლოგიურ-კოდიკოლოგიური შესწავლა გასცემს პასუხს წამოჭრილ კითხვას. დასაწყისი recto: „მყოფელი ორსახედ ვითარცა თქუათ ანუთუ მიუღებიეს აქავე სასყიდელი მათი ნაცვალად საქმისა მათისა მსგავსად თქუმულისა მის რომელი ითქუა...“

• 
• 
• 
• 

ისტორია

შედიოდა შოენის ქართულ ხელნაწერთა კოლექციაში. 2019 წლის 10 ივლისს კრისტის აუქციონზე ხელნაწერი გაიყიდა 25 ათას გირვანქა სტერლინგად.

რესურსები ინტერნეტში

• შოენის ქართული ხელნაწერის კოლექცია