წყლის სპორტის სასახლე (ბაქო)
წყლის სპორტის სახეობის სასახლე (აზერ. Su İdmanı Sarayı) — მდებარეობს ბაქოს ბულვარის ახალ ნაწილში და მისი საერთო ფართობი 72,000 კვადრატულ მეტრს შეადგენს.
| მდებარეობა |
ბაქო,  აზერბაიჯანი |
|---|---|
| აშენდა | 2014 |
| გაიხსნა | 2015 |
| კონსტრუქციის ღირებულება | რაფაელ ასკაროვ |
| ტევადობა | 6 000 მაყურებელი |
2012 წლის 30 აგვისტოს ბაქოში წყლის სპორტის სასახლის მშენებლობის შესახებ დადგენილება მიიღეს[1]. სასახლის დიზაინი რაფაელ ასკაროვმა შეიმუშავა[2].
2013 წლის 19 აპრილს გაიმართა წყლის სპორტის სასახლის საძირკვლის ჩაყრის ცერემონია, ხოლო 2015 წლის 20 აპრილს სასახლის ოფიციალური გახსნა გაიმართა. გახსნის ღონისძიებას ესწრებოდნენ აზერბაიჯანის რესპუბლიკის პრეზიდენტი ილჰამ ალიევი და მისი მეუღლე, პირველი ევროპული თამაშების „ბაქო 2015“-ის საორგანიზაციო კომიტეტის თავმჯდომარე მეჰრიბან ალიევა[3].
წყლის სპორტის სასახლეს აქვს სამი საცურაო აუზი: მთავარი აუზის სიგრძე 50 მეტრია, სიგანე – 25 მეტრი, ხოლო სიღრმე – 2.5 მეტრი. ეს აუზი განკუთვნილია როგორც ადგილობრივი, ასევე საერთაშორისო შეჯიბრებების ჩასატარებლად სხვადასხვა წყლის სახეობის სპორტში; მყვინთავთა აუზი, რომელიც მთავარ დარბაზში მდებარეობს, სიგრძით 25 მეტრია, სიგანით – 20 მეტრი. დარბაზში მოწყობილია ხუთსაფეხურიანი პლატფორმები, რომლებიც განთავსებულია 1, 3, 5, 7.5 და 10 მეტრის სიმაღლეზე.
სასახლე სრულად აკმაყოფილებს ცურვის საერთაშორისო ფედერაციის (FINA) მოთხოვნებს.
ინფრასტრუქტურა მოიცავს ფიტნეს დარბაზებს, რესტორანს, საკონფერენციო დარბაზებს, ოფისებს, გასახდელებსა და სხვა სერვისულ ოთახებს. ასევე, სასახლის ტერიტორიაზე განთავსებულია დამხმარე შენობები და 500 მანქანაზე გათვლილი ზედაპირული პარკინგი.
დარბაზი 6,000 მაყურებელს იტევს.