წითელი კოშკი (ალანია)
წითელი კოშკი (თურქ. Kızıl Kule) — ისტორიული კოშკი თურქეთის ქალაქ ალანიაში. შენობა ითვლება ქალაქის სიმბოლოდ და გამოსახულია ქალაქის დროშაზე. წითელი კოშკი ალანიის ციხესიმაგრის შემადგენელი ნაწილია.
| წითელი კოშკი | |
|---|---|
 | |
| მდებარეობა | ალანია, თურქეთი |
| სტატუსი | კოშკი |
| ისტორია | |
| თარიღდება | 1226 |
| დამკვეთი | ალაედინ ქეიყუბადი |
| ხუროთმოძღვრული ტიპი | სელჩუკური არქიტექტურა |
  | |
წითელი კოშკი  ვიკისაწყობში | |
ისტორია
რედაქტირებაკოშკის მშენებლობა დაიწყო ანატოლიის სელჩუკი სულთნის ალაედინ ქეიყუბად I-ის მეფობის დასაწყისში და დასრულდა 1226 წელს. სულთანმა მიიწვია არაბი არქიტექტორი ებუ ალი რეჰჩ ელ ქეთანი ალეპოდან (სირია) ალანიაში შენობის ასაგებად.[1] კოშკმა სახელი მიიღო აგურის წითელი ფერის გამო, რომელიც მან გამოიყენა მშენებლობაში.[2] საუკუნეების განმავლობაში კოშკი იცავდა ნავსადგურს თავდასხმებისგან. შენობა აშენდა ისეთი მაღალი ხარისხით, რომ დღემდე რჩება შუა საუკუნეების სამხედრო არქიტექტურის ერთ-ერთ საუკეთესო ნიმუშად. მიუხედავად 1950-იან წლებში შენობის რესტავრაციისა, ეს არის ყველაზე კარგად შემონახული სელჩუკთა ნაგებობა ქალაქში. კოშკი ვიზიტორებისთვის 1979 წელს გაიხსნა. შენობის სიმაღლეა 33 მ. ხოლო სიგანეა — 12,5 მ.[3]
კოშკი 1992 წლიდან 2005 წლამდე მოქმედი თურქული 250 000 ლირის ბანკნოტების უკანა მხარეს იყო გამოსახული.[4]
1979 წელს კოშკის პირველ სართულზე გაიხსნა ალანიის ეთნოგრაფიული მუზეუმი.[5] კოშკისა და ქალაქის ისტორიის თხრობის გარდა, მუზეუმი ყურადღებას აქცევს ჰერალდიკას, კერძოდ სელჩუკთა ორთავიან არწივს, რომელიც დროშაზეა გამოსახული. შენობა ღიაა 08:00 საათიდან 12:00 საათამდე და 13:30 საათიდან 17:30 საათამდე; ორშაბათობით დაკეტილია.[6]
გალერეა
რედაქტირება
სქოლიო
რედაქტირება- ↑ Alanya Kızıl Kule. დაარქივებულია ორიგინალიდან — 2021-02-26. ციტირების თარიღი: 2007-06-12
- ↑ Antalya Web Site - Historical Sites (Alanya)
- ↑ www.sunsearch.info/alanya დაარქივებული August 21, 2006, საიტზე Wayback Machine.
- ↑ Central Bank of the Republic of Turkey
- ↑ Antalya İli Antalya Kızıl Kule
- ↑ Alanya Guide 2000. ციტირების თარიღი: 2007-06-12