ცირკუმფიქსი

ცირკუმფიქსი (ლათ. circumfixus „ირგვლივ მიმაგრებული“ < circum გარშემო, ირგვლივ და fixus მიმაგრებული) — აფიქსის სახე, რომელიც პრეფიქსისა და სუფიქსის კომბინაციაა. ისინი ერთდროულად დაერთვიან ფუძეს და ერთ ფუნქციას გამოხატავენ.

ცირკუმფიქსი ქართულში

ქართულ ენაში ცირკუმფიქსი მეტად პროდუქტიულია სიტყვაწარმოებაში.

მაგ:

• მე-ქუდ-ე,
• სა-ქუდ-ე,
• უ-ქუდ-ო და ა.შ.

ვარაუდობენ, რომ პრეფიქსსა და სუფიქსს ამ ფორმებში დამოუკიდებელი ფუნქცია უნდა ჰქონოდათ და მხოლოდ მოგვიანებით ჩამოყალიბდნენ ცირკუმფიქსებად.

ლიტერატურა

• ქართული ენის ენციკლოპედია, გვ.558. 2008. თბილისი.