ყაზახლარის მეჩეთი
ყაზახლარის მეჩეთი (აზერ. Qazaxlar məscidi) — XIX საუკუნის ისტორიულ-არქიტექტურული ძეგლი, რომელიც მდებარეობს აზერბაიჯანის ქალაქ განჯაში. აგებულია 1801-1802 წლებში ტომების მიერ, რომლებიც გადასახლდნენ განჯაში ყაზახის რაიონიდან. შენობა აიგო ჯუმა-მეჩეთის გეგმის საფუძველზე. არქიტექტორი უცნობია. 1920 წელს, აზერბაიჯანში საბჭოთა ხელისუფლების დამყარების შემდეგ, დაიწყო ბოლშევიკების ბრძოლა რელიგიის წინააღმდეგ. ყაზახლარის მეჩეთმა, ისევე როგორც ბევრმა სხვა რელიგიურმა დაწესებულებამ, შეწყვიტა ფუნქციონირება. შენობა გამოიყენებოდა საწყობად, სკოლად და სხვა მიზნებისთვის.
| ყაზახლარის მეჩეთი აზერ. Qazaxlar məscidi | |
|---|---|
 | |
| მდებარეობა | განჯა, აზერბაიჯანი |
| სტილი | არანის არქიტექტურული სკოლა |
| თარიღდება | 1801 – 1802 |
აზერბაიჯანის რესპუბლიკის მინისტრთა კაბინეტის №132 გადაწყვეტილების თანახმად, 2001 წლის 2 აგვისტოს ყაზახლარის მეჩეთი შეიტანეს ადგილობრივი მნიშვნელობის ისტორიისა და კულტურის უძრავი ძეგლების სიაში.[1]
2018 წელს ჩატარდა მეჩეთის სარესტავრაციო სამუშაოები. ამჟამად ეს ისტორიულ-არქიტექტურული ძეგლი ფუნქციონირებს, როგორც მეჩეთი.[2]
სქოლიო
რედაქტირება- ↑ Yerli əhəmiyyətli daşınmaz tarix və mədəniyyət abidələrinin siyahısı. დაარქივებულია ორიგინალიდან — 2015-12-08. ციტირების თარიღი: 2019-04-13.
- ↑ Gəncədə məscidlər əsaslı təmir edilib. დაარქივებულია ორიგინალიდან — 2020-02-21. ციტირების თარიღი: 2019-04-13.