ფრედერისია

ფრედერისია (დან. Fredericia) — ქალაქი დანიაში, იუტლანდიის ნახევარკუნძულის აღმოსავლეთ ნაწილში, ფრედერისიის მუნიციპალიტეტში. ქალაქი 1650 წელს დანიის მეფე ფრედერიკ III-მ დააარსა და სახელიც სწორედ მის პატივსაცემად ეწოდა.

ქალაქი
ფრედერისია დან. Fredericia
გერბი
ქვეყანა	დანია
რეგიონი	სამხრეთი დანიასამხრეთ დანიის რეგიონი|სამხრეთი დანია
მუნიციპალიტეტი	ფრედერისია
კოორდინატები	55°35′00″ ჩ. გ. 9°46′00″ ა. გ.
დაარსდა	1650
ცენტრის სიმაღლე	16 მეტრი
მოსახლეობა	39 797 კაცი (2012)
სასაათო სარტყელი	UTC+1, ზაფხულში UTC+2
საფოსტო ინდექსი	7000
ოფიციალური საიტი	fredericia.dk
ფრედერისია ვიკისაწყობში

2012 წლის მონაცემებით, საკუთრივ ქალაქის მოსახლეობა 39 797 ადამიანს შეადგენს, მთლიანი მუნიციპალიტეტის კი 50 193-ს.

ისტორია

ოცდაათწლიანმა ომმა დაუცველ იუტლანდიას გამანადგურებელი შედეგები მოუტანა, რის შემდეგაც მეფე კრისტიან IV-მ გააანალიზა, რომ საჭირო იყო მძლავრი ციხესიმაგრის აგება და გადაწყვიტა, რომ ეს პროექტი შეერწყა თავის გეგმასთან, რომლის მიხედვითაც იუტლანდიაში ის დიდი ქალაქის აშენებას გეგმავდა.

თავდაცვითი ნაგებობა მან თანამედროვე ფრედერისიის სიახლოვეს ააგო, მოსახერხებელ ადგილას, რომელიც მტრის შემოტევებს კარგად მოიგერიებდა. თუმცა, იმის გამო, რომ ეს ნაგებობები უბადლო არ იყო, იუტლანდიაში შვედი ფელდმარშალი ლენარტ ტორტენსონი შემოიჭრა, რომელმაც თავდაცვითი ნაგებობები ადვილად გაარღვია. ფორტიფიკაციების გეგმა საბოლოოდ ფრედერიკ III-მ დაასრულა.

1650 წლის 15 ოქტომბერს, მეფემ ხელი მოაწერა დოკუმენტს დასახლებისთვის ქალაქის პრივილეგიების მინიჭების შესახებ და სწორედ ამის შემდეგ, ახალი ციხესიმაგრის მშენებლობა დაიწყო. 1651 წელს ქალაქს ფრედერიკსოდი ეწოდა, 1664 წლის 22 აპრილს კი ამჟამინდელი სახელი — ფრედერისია

იხილეთ აგრეთვე

• დანიის ქალაქების სია

რესურსები ინტერნეტში

• Dansk Center for Byhistorie - Fredericia
• DR Undervisning: Fredericia og Treårskrigen დაარქივებული 2011-10-31 საიტზე Wayback Machine.
• Kirker i Fredericia დაარქივებული 2011-10-10 საიტზე Wayback Machine. hos danmarkskirker.natmus.dk (Danmarks Kirker, Nationalmuseet)