ტრომბონი

ტრომბონი — სიმფონიური ორკესტრის ლითონის ჩასაბერთა ჯგუფის საკრავი. ცნობილია XVI სუკუნიდან. აქვს მოძრავი კულისა, რომლითაც კიდევ უფრო გრძელდება მისი ისედაც გრძელი მილი. ცილინდრულია, ორჯერ მოღუნული სხვადასხვა მიმართულებით, ბოლოში გაფართოებული ყელით. ჰაერი ჩაიბერება მუნდშტუკიდან. ძირითადად საორკესტრო საკრავია, თუმცა აქვს სოლო პარტიებიც, ვინაიდან არის დიდი ტექნიკური შესაძლებლობებისა და კაშკაშა მბრწყინავი ტემბრის მქონე საკრავი. აქვს სურდინა, რომელსაც ტრომბონის ყელბუკში დებენ, რათა ხმოვანება უფრო რბილი, მოგუდული გახდეს.

რესურსები ინტერნეტში

შეგიძლიათ იხილოთ მედიაფაილები თემაზე „ტრომბონი“ ვიკისაწყობში.
ტრომბონი ენციკლოპედიურ ლექსიკონში
ტრომბონის ისტორია
ტრომბონის საერთაშორისო ასოციაცია