'''ჟირაფისებრნი''' (Giraffidae), [[მცოხნელები|მცოხნელი]] [[ძუძუმწოვრები]]ს ოჯახი [[წყვილჩლიქოსნების რიგიწყვილჩლიქოსნები]]სას რიგისა. აერთიანებს 2 გვარის 2 სახეობას: [[ჩვეულებრივი ჟირაფი|ჩვეულებრივი ჟირაფსა]] და [[ოკაპი|ოკაპს]]. ჩვეულებრივი ჟირაფის (Giraffa camelopardalis) სიმაღლე 5-6, მასა 550-1800კგ აღწევს. აქვს მოკლე სხეული, გრძელი მაღალი კისერი, პატარა თავი, დიდი თვალები, მოკლე და ვიწრო ყურები, პატარა რქები. არეალის სხვადასხვა საზღვრებში შეფერილობა ცვალებადია და ამის გამო ჟირაფის რამდენიმე ქვესახეობას გამოყოფენ. გავრცელებულია აფრიკაში საპარის სამხრეთით. ბინადრობს სავანებში. ქმნის მცირე ჯგუფებს, რომლებიც 12-15 (ზოგჯერ 70-მდე) სულისაგან შედგება. აქტიურია დღისით. იკვებება აკაციის ფოთლებით და ტოტებით. აქვს კარგი მხედველობა და სმენა. მაკეობა 420-450 დღეს გრძელდება. ხორცს საკვებად იყენებენ, ტყავს - სხვადასხვა ნაკეთობისათვის. ჟირაფის რაოდენობა ძალზე შემცირებულია, ხოლო ზოგან სრულიად განადგურებულია. შენარჩუნებულია უმთავრესად ეროვნულ პარკებსა და რეზარვატებში.
