ალუჩა: განსხვავება გადახედვებს შორის

'''ალუჩა''' (Prunus Vachuschtii), მრავალწლოვანი ხეხილოვანი მცენარე [[ტყემლოვანნი|ტყემლოვანთა]] ქვეოჯახისა. უეკლოა, 10-13 მ-მდე სიმაღლისა. სითბოს მოყვარულია, გვხვდება ბარში და ზეგანზე, ზღვის დონიდან 500-700 მ სიმაღლემდე. მრავლდება თესლით და ვეგეტატიურად. თესლით გამრავლებისას ალუჩა გადაჯიშდება, გადაწიდვნის დროს კი ინარჩუნებს ჯიშურ თვისებებს. გამრავლების სირთულისა და ნაკლები გამოყენების გამო ალუჩა გადაშენების გზაზეა. ალუჩის ნაზოფი მოზვითალო-მომწვანოა. მსხვილი, დაბერილი გვერდები აქვს, კანი - თხელი და ნაზი. საადრეო სუფრის ხილია. ნაყოფის წვენს სუსტი მჟავიანობა ახასიათებს. ალუჩა გვხვდება [[აზერბაიჯანი|აზერბაიჯანში]], [[სომხეთი|სომხეთში]]. [[საქართველო|საქართველოში]] უხსოვარი დროიდანაა ცნობილი. მოჰყავთ ალუჩის ორი ჯიში - მეჩიბუხე და იმერული.