ნაძვნარი: განსხვავება გადახედვებს შორის

'''ნაძვნარი''', [[ნაძვი]]ს წმინდა და შერეული კორომი (ტყე). გავრცელებულია [[ევროპა]]ში, აზიასა და ჩრდილოეთ ამერიკაში. [[საქართველო]]ში ნაძვის წმინდა კორომები შედარებით იშვიათია, უფრო ხშირია შერეულ ნაძვბარები, სადაც ნაძვთან ერთად იზრდება [[კავკასიური სოჭი]], [[კავკასიური კაუჭა ფიჭვი]], [[წიფელი]], [[რცხილა]] და სვასხვა. საქართველოსათვის დამახასიათებელია ნაძვნარები კოლხური ქვეტყით (შქერით, წყავით, ჭყორით, მოცვით), ბალახოვანი საფრით და ხავსით. ეს ტყეები მეტწილად ნაირხნოვანია, იშვიათად ერთხნოვანიც. მაღალი წარმადობის კორომები ნაძვისა და სოჭის სარტყელშია, ზღვის დონიდან 1500-1800 მ-ზე (სვანეთში, აფხაზეთში, [[აჭარა]]ში, [[რაჭა]]ში, ბორჯომის ხეობაში). მაღალი ბონიტეტის ნაძვნარები ჰა-ზე 800-1000 და ზოგჯერ 1500³ მერქანს იძლევა, რომელიც გამოირჩევა კარგი ფიზიკური-მექანიკური თვისებებით და მრავალმხრივი გამოყენება აქვს წარმოებაში.