ჭელიში: განსხვავება გადახედვებს შორის

'''ჭელიში''', შუა საუკუნეების მონასტერი, კულტურულ-საგანმანათლებლო კერა დასავლეთ საქართველოში, [[რაჭა|რაჭაში]] (ახლანდელი [[ამბროლაურის რაიონი|ამბროლაურის რაიონის]] [[ნიკორწმინდა|სოფ. ნიკორწმინდის]] დასავლეთით 4-5 კმ-ზე). შემორჩენილია ეკლესიის ნანგრევები და ორსართულიანი სამრეკლო. ჭელიში წყაროებში პირველად XI საუკუნეში იხსენიება. მომდევნო ხანაში აქ სამონასტრო ცხოვრება მოიშალა. XVI საუკუნის 60-იან წლებში ჭელიშის ეკლესია განაახლა ეპისკოპოსმა [[მელქისედეკი (გელათელი)|მელქისედეკმა]] (საყვარელიძემ) [[იმერეთის სამეფო|იმერეთის]] მეფის [[გიორგი II|გიორგი II-ის]] შემწეობით. [[1591]]-იდან ჭელიში ნიკორწმინდის ეპარქიაში შედიოდა, ხოლო [[1637]]-იდან - გელათის ეპარქიაში. XVIII საუკუნის II ნახევრიდან აქ სამონასტრო ცხოვრება მნიშვნელოვნად გამოცოცხლდა და XX საუკუნის 20-იან წლებამდე გრძელდებოდა. ჭელიშიში ინახებოდა მრავალი ქართული ხელნაწერი. მათ შორის მიკვლეულია [[მოქცევაჲ ქართლისაჲ|"მოქცევაჲ ქართლისაჲს"]] ჭელიშური ვარიანტი.