დიეგო სიმეონე: განსხვავება გადახედვებს შორის

რასინგში მშვენიერი მუშაობის შემდეგ სიმეონემ [[ესტუნდიანტესი (საფეხბურთო კლუბი)|„ესტუნდიანტესი“]] ჩაიბარა და [[2006]] წელს მოკრძალებულ გუნდს ჩემპიონობა მოაპოვებინა [[1983]] წლის შემდეგ პირველად და ისტორიაში მეოთხედ. ამ დიდი წარმატების შემდეგ სიმეონეს არგენტინული ფეხბურთის უპირველესი ფლაგმანი [[რივერ პლეიტი (საფეხბურთო კლუბი)|რივერ პლეიტი]] ჩააბარეს, რომელიც ჩემპიონობას იყო მოწყურებული. სიმეონემ პირველივე სეზონში ბრწყინვალე სტილში მოიპოვა ჩემპიონობა, რასაც კატასტროფული მეორე სეზონი მოჰყვა სადაც რივერმა 107 წლიანი ისტორიის მანძილზე პირველად ბოლო ადგილი დაიკავა ლიგაში, რასაც სიმეონეს სწრაფად განთავისუფლება მოჰყვა. რივერ პლეიტის შემდეგ სიმეონემ [[სან-ლორენსო დე ალმაგრო (საფეხბურთო კლუბი)|„სან ლორენსო“]] ჩაიბარა, საიდანაც ასევე დაითხოვეს არადამაკმაყოფილებელი შედეგების გამო, შემდეგ იყო იტალიური [[კატანია (საფეხბურთო კლუბი)|„კატანია“]], საიდანაც სწრაფადვე წამოვიდა, ისევ რასინგი მცირე ხნით და შემდეგ მოწვევა ესპანური [[ატლეტიკო მადრიდი|ატლეტიკოდან]], სადაც კარიერის უმეტესი და საუკეთესო ხანი გაატარა და გულშმატკივართა კერპად ითვლებოდა.

[[2011]] წლის 23 დეკემბერს სიმეონემ ატლეტიკო მადრიდი ჩაიბარა, რითაც დაიწყო ფეხბურთის ისტორიაში ერთ-ერთი ყველაზე წარმატებული თანამშრომლობა. სიმეონემ მოკლე დროში საშუალოზე ოდნავ მაღალი მიზნებისთვის მებრძოლი გუნდი, არათუ ისტორიულ სიმაღლეებს დაუბრუნა, უფრო მეტიც, იგი სავსებით თანაბარ კონკურენტად ჩამოყალიბდა მსოფლიო ფეხბურთის ისტორიაში ერთ-ერთ ყველაზე ძლიერ კოლექტივებად მიჩნეული [[ბარსელონა (საფეხბურთო კლუბი)|„ბარსელონასა“]] და [[რეალ მადრიდი (საფეხბურთო კლუბი)|რეალ მადრიდისთვის]]. სიმეონემ და ატლეტიკომ პირველივე სეზონში მოახერხეს [[ესპანეთის საფეხბურთო თასი|ქვეყნის თასის]] მოპოვება, თუმცა განსაკუთრებული იყო 2012-13 წლების სეზონი, სადაც ატლეტიკომ [[ესპანეთის პრიმერა დივიზიონი|ესპანეთის ჩემპიონის]] ტიტული მოიპოვა, უეფა-ს [[უეფა-ს ჩემპიონთა ლიგა|ჩემპიონთა ლიგიდან]] კი უძლიერესი ბარსელონა გამოთიშა და ფინალს უწია, სადაც მოსისხლე რეალ მადრიდთან დამატებით დროში დამარცხდა. სიმეონემ და კომპანიამ ჩემპიონთა ლიგის ფინალს 2015-16 წლების სეზონშიც უწიეს, გზად კვლავ ჩამოიცილეს ბარსას ვარსკვლავთკრებული და [[პეპ გვარდიოლა|პეპ გუარდიოლას]] გაწვრთნილი [[ბაიერნი (საფეხბურთო კლუბი)|ბაიერნი]], თუმცა ფინალში ბედის ირონიით კვლავ მოსისხლე რეალს შეხვდნენ და ისევ დამარცხდნენ, ამჯერად [[პენალტების სერია|პენალტების სერიაში]].