'''დელფო''' ({{lang-el|Δελφοί}}) — [[ძველი საბერძნეთი|ძველბერძნული]] ქალაქი და საერთო ბერძნული რელიგიის ცენტრი [[ფოკიდა]]ში. [[პარნასის მთა|პარნასის მთის]] ძირას მდებარეობდა განთქმული [[დელფოს სამისნო]] და [[აპოლონის ტაძარი]].<ref>{{cite web| author=Гаспаров М.Л.| datepublished=| url=http://www.infoliolib.info/philol/gasparov/zgrec/116.html| title=Занимательная Греция. Дельфы| publisher=// infoliolib.info| accessdate=2012-4-29| archiveurl=httphttps://www.webcitation.org/67yAM8JmO?url=http://www.infoliolib.info/philol/gasparov/zgrec/116.html| archivedate=2012-05-27}}</ref>. ლეგენდის თანახმად ქალაქს სახელი დაერქვა აპოლონის შვილის, დელფოსის პატივსაცემად. გზაჯვარედინზე მდებარეობამ და მორწმუნეთა განუწყვეტელმა ნაკადმა განაპირობა დელფოს უდიდეს, სამრეწველო-სავაჭრო და კულტურულ ცენტრად გადაქცევა. უძველესი ტაძარი აქ აუშენებიათ ძვ. წ. მეცხრე საუკუნეში. ერთ-ერთი მითის მიხედვით ეს ადგილი თვითონ ამოირჩია [[აპოლონი|აპოლონმა]] და მისი სურვილის თნახმად ტაძარი ააგეს ლეგენდარულმა ხუროთმოძღვრებმა: ტროფინიოსმა და აგამედემ. სულ მალე დელფოში დიდი სიმდიდრე დაგროვდა. ტაძრის მნიშვნელობა კიდევ უფრო გაიზარდა კოლონიზაციის პერიოდში. ბერძენთ არც ერთ კოლონიას არ შეეძლო [[საბერძნეთი]]დან წასვლა დელფოს სამისნოს რჩევისა და ამასთან დაკავშირებით უდიდესი შესაწირავის გარეშე. მოგვიანებით დელფოს სამისნოს გავლენა საბერძნეთის საზღვრებს გარეთაც გავრცელდა. ძვ. წ. VI საუკუნეში დელფოს სამისნო დაიწვა და უახლოეს დროში ხელახლად აშენეს. ამის შემდეგ არაერთგზის დაინგრა დელფოს სამისნო თავდამსხმელებისაგან, ბოლოს კი, დაახლოებით [[390|390 წელს ახ. წელთაღრიცხვით]], სამუდამოდ გაანადგურა იმპერატორმა [[თეოდოსიუს I|თეოდოსიუს პირველმა]].
