მარკ ცუკერბერგი: განსხვავება გადახედვებს შორის

'''მარკ ელიოტ ცუკერბერგი''' ({{lang-en|Mark Elliot Zuckerberg}}; დ. [[14 მაისი]], [[1984]]) — სოციალურ ქსელ [[Facebook]]-ის დამფუძნებელი და ბიზნესმენი, რომელიც [[Forbes|ფორბსის]] 2017 წლის სექტემბრის მონაცემებით 71.5 მილიარდის მფლობელია<ref name="NetWorth" />. ცუკერბერგმა Facebook შექმნა თანაკურსელებთან, [[დასტინ მოსკოვიჩი|დასტინ მოსკოვიჩთან]], ედუარდ სევერინთან და კრის ჰაგისთან ერთად, [[ჰარვარდი|ჰარვარდში]] სწავლის პერიოდში.

ცუკერბერგი დაიბადა უაით ფლეინსში, [[ნიუ-იორკი|ნიუ-იორკის]] შტატში [[ებრაელი|ებრაელების]] ოჯახში [[1984]] წელს. მან [[პროგრამირება]] დაიწყო, როდესაც ის საშუალო სკოლის მოსწავლე იყო. თავდაპირველად მას იტაცებდა კომპიუტერული პროგრამების განვითარება. მეცხრე კლასელმა იმ დროისათვის პოპულარული სამაგიდო თამაშის „რისკის“ კომპიუტერული ვარიანტი შექმნა. აგრეთვე სკოლის ასაკში დაწერა [[კომპიუტერული პროგრამა|პროგრამა]] MP3-player [[Winamp]], რომელსაც მომხმარებლის მუსიკალური გემოვნების გაანალიზება შეეძლო. როდესაც ეს პროგრამა [[ინტერნეტი|ინტერნეტში]] გამოჩნდა, [[Microsoft]] მზად იყო მის სანაცვლოდ 2 მილიონი დოლარი გადაეხადა და ახალგაზრდა ცუკერბერგი თავიანთ კომპანიაში მიეწვიათ, მაგრამ მარკმა უარი განაცხადა და [[ჰარვარდის უნივერსიტეტი|ჰარვარდის უნივერსიტეტის]] ფსიქოლოგიურ ფაკულტეტზე ჩაბარება გადაწყვიტა.

ძალიან მალე მისი შექმნილი საიტი იმდენად პოპულარული გახდა, რომ მან გადაწყვიტა თავისი [[პროდუქტი]]სგან ბიზნესი წამოეწყო. მარკმა თავისი ბიზნესის განვითარებისათვის მთელი დანაზოგი დახარჯა და როდესაც მიხვდა, რომ დამატებით დაფინანსება სჭირდებოდა, სწავლა მიატოვა და რამდენიმე მეგობართან ერთად გაემგზავრა [[კალიფორნია]]ში, [[პალო ალტო|პალო-ალტო]]ში, ინოვაციური კომპანიების სამშობლოში. მათ იჯარით აიღეს პატარა სახლი, რომელიც ოფისად გამოიყენეს. 2004 წლის ზაფხულის მიწურულს ცუკერბერგმა გაიცნო ანგარიშსწორების სისტემა [[PayPal]]-ის ერთ-ერთი დამაარსებელი [[პიტერ ტილი]], რომელმაც მოლაპარაკებიდან ოთხი საათის შემდეგ ცუკერბერგის კომპანიაში ნახევარ მილიონიანი ინვესტიცია განახორციელა. ეს არ იყო დიდი ინვესტიცია, მაგრამ ცუკერბერგმა მისი გონივრულად გამოყენება მოახერხა და Facebook გააფართოვა. მან პალო-ალტოში ოფისი დაიქირავა და გარს რამდენიმე თანამოაზრე შემოიკრიბა. ცუკერბერგი აპირებდა ჰარვარდში დაბრუნებას, რადგან თავდაპირველად საქმე წარმატებით არ მიდიოდა, მაგრამ საბოლოოდ მან გადაწყვიტა კალიფორნიაში დარჩენა და დღემდე არ დაბრუნებულა ჰარვარდში როგორც სტუდენტი. 2004 წლის ნოემბერში Facebook-ის მომხმარებელთა რაოდენობამ მილიონს გადააჭარბა.ცოტა ხანში ისევ პიტერ ტილის დახმარებით ცუკერბერგმა Accel Partners-ისაგან $12,7 მილიონის ინვესტიცია მიიღო. 2005 წლის შემოდგომაზე Facebook-ით უკვე 5 მილიონი ადამიანი აქტიურად სარგებლობდა და იგი ინტერნეტ-სივრცის ერთ-ერთი ლიდერი იყო. აღსანიშნავია, რომ მარკი ძალიან გონივრულად მოიქცა, როდესაც [[Google]]-დან გამოცდილი მენეჯერი [[შერილ სენდბერგი]] მოიწვია, რომელსაც ინტერნეტ ბიზნესში სერიოზული გამოცდილება გააჩნდა.

Facebook Inc-ის ღირებულების ზუსტი შეფასება რთულია, რადგან მარკი არ ჩქარობს მისი კომპანიის აქციების გამოშვებას და ბირჟაზე გამოტანას. მარკმა უარი უთხრა თავისი კომპანიის წილის მიყიდვაზე Google-ს, მაგრამ შემდეგ 1.6 % მიჰყიდა [[Microsoft]]-ს $240 მილიონად. აქედან გამომდინარე შეგვიძლია ვივარაუდოთ, რომ კომპანიის მთლიანი ღირებულება $15 მილიარდია, მაგრამ ზუსტი ღირებულება ცნობილი გახდება, როდესაც ახალგაზრდა ბიზნესმენი თავისი კომპანიის აქციებს [[ბირჟა|ბირჟაზე]] განათავსებს.

[[აშშ]]-ში [[2010]] წლის [[15]] ოქტომბერს მარკ ცუკერბერგზე და Facebook-ის შექმნაზე გამოვიდა ფილმი „[[სოციალური ქსელი (ფილმი)|სოციალური ქსელი]]", რომელშიც მთავარ როლს [[ენდრიუ გარფილდი]] და [[ჯესი აიზენბერგი]] ასრულებენ. ფილმი არის კომედიური დრამის ჟანრში და ეკუთვნის [[Columbia Pictures]] - ს. ფილმის [[ბიუჯეტი]] შეადგენს $47 მილიონს.

ცუკერბერგი დაოჯახებულია, ჰყავს მეუღლე [[პრისცი|პრისცილა ჩანი]]<ref>[http://www.tabula.ge/article-22365.html მარკ ცუკერბერგი დაქორწინდა] ჟურნალი ტაბულა © 20-05-2012, 19:02</ref> და ქალიშვილები, [[მაქს ცუკემბერგი|მაქსი]] და [[ოგასტ ცუკემბერგი|ოგასტი]].