'''ფხოვლის ქვაშვეთის ეკლესია'''—არქიტექტურული — არქიტექტურული ძეგლი [[გურჯაანის მუნიციპალიტეტი|გურჯაანის მუნციპალიტეტის]] სოფელ [[ფხოველი|ფხოვლის]] ტერიტორიაზე. სავარაუდოდ განეკუთვნება ადრინდელ შუა საუკუნეებს. [[დარბაზული ეკლესია|ეკლესია დარბაზულია]] , ნაგებია სხვადასხვა ზომის [[რიყის ქვა|რიყის ქვითა]] და [[კირი|კირის]] ხსნარით - აქა-იქ წსორხაზოვნად გამავალი რიგების გამოყვანით. დაზიანებულია: სამხრეთ კედლის დიდი ნაწილი დანგრეულია, დანარჩენი კედლები დაახლოებით 2,5-3 მეტრის სიმაღლეზეა შემორჩენილი. ჩრდილოეთ ფასადი თითქმის მთლიანად მიწითაა დაფარული. ინტერიერი დაახლოებით 1 მეტრის სიმაღლეზე ამოვსებულია ჩამონაშალი ქვითა და მიწით. ერთადერთი შესასვლელი დასავლეთიდანაა. კარი ნალისებრი [[თაღი|თაღითაა]] გადახურული. აღმოსავლეთით ნალისებრი [[აფსიდი|აფსიდია]], რომელშიც სარკმელია გაჭრილი. სარკმლის გადახურვა და მის ზემოთ კედლის დიდი ნაწილი ჩამონგრეულია. სარკმლის სამხრეთით ერთი ოთხკუთხა [[ნიშა|ნიშაა]]. აფსიდი დარბაზისაგან მხრებითაა გამოყოფილი. დასავლეთ კედელში, შემოსასვლელის ზემოთ, შემორჩენილია სარკმლის [[წირთხლი|წირთხლების]] მცირე ნაწილი და [[რაფა]].
