[[ფაილი:Canterbury Cathedral - Portal Nave Cross-spire.jpeg|მინიატიურა|კენტერბერის საკათედრო ტაძარი]]
'''ანგლიკანიზმიანგლიკანობა''' — ქრისტიანობის მესამე მრავალრიცხოვანი მიმდინარეობა (კათოლიციზმისა და მართლმადიდებლობის შემდეგ), რომელიც აერთიანებს დაახლოებით 80 მილიონ მორწმუნეს. ანგლიკანობა წარმოიშვა ინგლისში, XVI საუკუნეში, მეფე ჰენრი VIII-ის პერიოდში. მეფე ჰენრი კათოლიციზმის დამცველ პოზიციას ითავსებდა და უფლებას არ აძლევდა პროტესტანტიზმს ინგლისის მიწებზე გავრცელებულიყო, მაგრამ როცა მეფესა და პაპს შორის ურთიერთობა დაიძაბა, მეფე ჰენრი VIII-მ ინგლისის ეკლესია დამოუკიდებლად გამოაცხადა. აქედან იწყება ანგლიკანობის წარმოშობა. ანგლიკანურ ეკლესიაში არსებობს სამი ფრთა: მაღალი ეკლესია (ანგლო-კათოლიციზმი - რომის კათოლიციზმთან სიახლოვითა და რიტუალის მრავალრიცხოვნობით გამოირჩევა), დაბალი ეკლესია (იგივე ევანგელიკალური ფრთა, მათთვის დამახასიათებელია რიტუალური მინიმალიზმი) და საშუალო ეკლესია (რომელიც ხიდისა და შემრიგებლის ფუნქციას ასრულებს ამ ორ ფრთას შორის). ანგლიკანთა სიმრავლით გამოირჩევა [[ინგლისი]], [[უელსი]], [[აშშ]], [[კანადა]], [[ავსტრალია]], [[ირლანდია]]. ანგლიკანური ეკლესია თავს განიხილავს „ერთი წმინდა კათოლიკე და სამოციქულო ეკლესიის“ ნაწილად.
