თავფეხიანები: განსხვავება გადახედვებს შორის

'''თავფეხიანები''' (Cephalopoda), [[უხერხემლოები|უხერხემლოთა]] კლასი [[მოლუსკები]]ს ტიპისა. კარგად აქვთ განვითარებული სისხლის მიმოქცევის სისტემა, [[თავის ტვინი]], გრძნობის ორგანოები (განსაკუთრებით თვალები). თავზე, პირის ირგვლივ 8 ან 10 კუნთოვანი საცეცი ("ხელები") აქვთ მისაწოვრებით, ზოგჯერ -— რქოვანი კაუჭებით. მოძრაობენ რაკეტის პრინციპით. მანტიის რღუში წყალი კუნთების შეკუმშვით გადაიდენება კუნთოვან ძაბრში, წარმოიქმნება ბიძგი და ცხოველი უკუსვლით მოძრაობს. თანამედროვე თავფეხიანებიდან გარეგანი ნიჯარა აქვს მხოლოდ [[ნაუტილუსი|ნაუტილუსს]]. დანარჩენების სხეული შიშველია, ზოგს ნიჟარის ნარჩენები კიროვანი ფირფიტების სახით კანქვეშ აქვს შემორჩენილი. თავფეხიანების ზომა 1 სმ-იდან 18 მ-მდე აღწევს.

თანამედროვე ფაუნაში თავფეხიანების 600-მდე სახეობა 2 ქვეკლასშია გაერთიანებული: [[ოთხლაყუჩიანები]] (Tetrabranchia), რომელთაც მხოლოდ ნაუტილუსი და, შესაძლებელია, ამომწყდარი თავფეხიანების - ამონიტების დიდი ჯგუფი მიეკუთვნება და [[ორლაყუჩიანები]] (Dibranchia), რომელთაც სიპინი, კალმარი, რვაფეხა, აგრეთვე ამომწყდარი ჯგუფი -— [[ბელემნიტები]] -— ეკუთვნის.