'''ნენური ენა''' ({{lang-yrk|Ненэцяʼ вада}}) — [[ურალური ენები|ურალური ოჯახის]], [[სამოდიური ენები]]ს ჯგუფის ენა. გავრცელებულია [[კოლის ნახევარკუნძული|კოლის ნახევარკუნძულზე]], ენისეის[[ენისეი]]ს მარჯვენა სანაპიროზე. ნენურ ენაზე ლაპარაკობს 24 ათ. მეტი კაცი (1970). გამოიყოფა ორი კილო ტუნდრისა და ტყის, რომლებიც ერთმანეთისაგან უპირატესად ფონეტიკურად განსხვავდებიან. მორფოლოგიური მნიშვნელობის გამოხატვის ძირითადი ხერხია სუფიქსური აგლუტინაცია. ნენურ ენაში 3 რიცხვია: მხოლობითი, ორობითი და მრავლობითი. ზმნას მოეპოვება სახეობითი მიმართულობისა და კილოს, სუბიექტურ-ობიექტური და სუბიექტურ-უობიექტო უღვლილების ფორმები. წინადადებაში დამოკიდებული წევრები მთავარი წევრების წინ დგას. ნენური ენის დამწერლობა შეიქმნა [[1932]] წელს ლათინური გრაფიკის საფუძველზე. [[1937]] წლიდან ემყარება რუსულ გრაფიკას.
