მედიცინა: განსხვავება გადახედვებს შორის

'''მედიცინა''' — [[მეცნიერება|მეცნიერებისა]] და პრაქტიკული საქმიანობის დარგი, რომელიც მიმართულია ადამიანთა [[ჯანდაცვა|ჯანმრთელობის]] დაცვის, [[დაავადება|დაავადებების]] თავიდან აცილებისა და [[მკურნალობა|მკურნალობის]], [[სიცოცხლე|სიცოცხლის]] გახანგრძლივებისაკენ. საუკუნეების განმავლობაში ადამიანთა გამოცდილებით დაგროვდა სამკურნალო საშუალებები და მეთოდები, რომლებიც შემონახულ იქნა, მათ შორის [[ხალხური მედიცინა|ხალხურ მედიცინაში]] და რომლებიც მოგვიანებით მეცნიერული მედიცინის ნაწილი გახდა.

 

სამკურნალო ხელოვნების მწვერვალი ძველ სამყაროში იყო [[ჰიპოკრატე|ჰიპოკრატეს]] საქმიანობა. ჩვ.წ. მე-II საუკუნეში ანტიკური მედიცინის წარმოდგენები სისტემატიზებულ იქნა [[გალენოსი, კლავდიუს|გალენოსის]] მიერ. მისი სისტემა, შევსებული [[ავიცენა|ავიცენას]] მიერ, და კანონიზებულ იქნა [[ეკლესია|ეკლესიის]] მიერ, ბატონობდა თითქმის ახალი ეპოქის დასაწყისამდე. მე-XVI-XVII საუკუნეებში [[ანდრეას ვეზალიუსი|ა. ვეზალიუსის]], [[უილიამ ჰარვი|უ. ჰარვის]], აღმოჩენებმა, [[პარაცელსუსი|პარაცელსუსის]] შრომებმა, ა. პარეს და ტ. სიდენჰემის მოღვაწეობამ ხელი შეუწყო მედიცინის დაბრუნებას ცდისეულ ცოდნის საფუძვლებში. [[ბუნებისმეტყველება|ბუნებისმეტყველებისა]] და [[ტექნიკა|ტექნიკის]] მიღწევებმა, კლინიკურ-ანატომიური და კლინიკურ-ექსპერიმენტული მიმართულებების განვითარებამ, ავადმყოფობის კვლევის ობიექტურმა მეთოდებმა განაპირობებს მეცნიერული მედიცინის ჩამოყალიბება.