პეტრიწონის მონასტერი: განსხვავება გადახედვებს შორის

'''პეტრიწონის მონასტერი''', აგრეთვე ცნობილი, როგორც '''ბაჩკოვოს მონასტერი''' ({{lang-bg|Бачковски манастир}}) — [[ბულგარეთი|ბულგარეთში]] ქართული ქრისტიანული ხუროთმოძღვრების მნიშვნელოვანი მონუმენტი, ერთ-ერთი უდიდესი და უძველესი მართლმადიდებლური მონასტერი აღმოსავლეთ ევროპაში. მდებარეობს მდ. ჩეპელარეს მარჯვენა სანაპიროზე, [[სოფია|სოფიიდან]] 89 კმ-ში და ამჟამად [[ბულგარეთის მართლმადიდებლური ეკლესია|ბულგარეთის მართლმადიდებლური ეკლესიის]] წმინდა სინოდის პირდაპირ დაქვემდებარებაშია.

მონასტერი [[1083]] წელს დააფუძნა უფლისწულმა [[გრიგოლ ბაკურიანის ძე]]მ, რომელიც ცნობილი ქართველი სახელმწიფო მოღვაწე და სამხედრო მეთაური იყო [[ბიზანტია|ბიზანტიის]] კარზე. მანვე შეუდგინა მონასტერს [[ტიპიკონი]] ქართულ და ბერძნულ ენებზე.

კომპლექსში შედიოდა ღვთისმშობლის (მთავარი ტაძარი), იოანე ნათლისმცემლისა და [[წმინდა გიორგი]]ს ეკლესიები, აგრეთვე საძვალე (საძვალეში დაკრძალული არიან ძმები აბაზ და გრიგოლ ბაკურიანის ძენი). პეტრიწონის მონასტრის ირგვლივ მდებარე მიწები და დასახლებები მის საკუთრებას შეადგენდნენ, რაც ხელს უწყობდა მონასტრის ეკონომიკურად გაძლიერებას და დაწინაურებას. მონასტერთან არსებობდა [[პეტრიწონის სემინარია |სემინარია]]. იქაურ მწიგნობრულ საქმიანობას, ტრადციული აზრით თითქმის ოცი წლის მანძილზე ხელმძღვანელობდა [[იოანე პეტრიწი]], რომლის ლიტერატურულ-ფილოსოფიურმა სკოლამ კიდევ უფრო დაუახლოვა ქართული მწერლობა ბიზანტიურს. დოგმატური ფილოსოფიის წიგნების თარგმნითა და კომენტარებით დიდად შეუწყო ხელი ქართული ფილოსოფიური აზროვნების განვითარებას [[1204]] წელს მონასტერი [[ჯვაროსნული ომები|ჯვაროსნებმა]] დაარბიეს და გაძარცვეს.