'''აირის მთები''', აგრეთვე ცნობილი, როგორც '''აირის მასივი''' — [[მთა|მთების]] სამკუთხა მასივი ჩრდილოეთ [[ნიგერი|ნიგერში]], [[საჰარა|საჰარის უდაბნოს]] ტერიტორიაზე. წარმოადგენს მცენარეულობით დაფარულ [[ეკორეგიონი|ეკორეგიონს]], რომლის სიმაღლეც [[ზღვის დონე|ზღვის დონიდან]] 1830 მეტრია, ხოლო მთლიანი ფართობი 84 000 კმ².<ref>Thorp, M. B. 1969: Some aspects of the geomorphology of the Air Mountains, southern Sahara. Transactions, Institute of British Geographers, 47, 25–46.</ref> [[უდაბნო (ლანდშაფტი)|უდაბნოს]] შუაგულში, ზღვის დონიდან 500-900 მეტრზე მდებარე აირის პლატო წარმოქმნის [[კუნძული|კუნძულს]], რომლის [[კლიმატი]]ც სიცოცხლის მრავალგვარი ფორმის გავრცელებას უწყობს ხელს. აქ მრავლადაა მეცხოველეობისა და ფერმერული გაერთიანებები, ასევე [[გეოლოგია|გეოლოგიური]] და [[არქეოლოგია|არქეოლოგიური]] ძეგლები. აღსანიშნავია რეგიონში მიმდინარე არქეოლოგიური გათხრები, რომლებმაც ნათელი გახადა მისი პრეისტორიული წარსული.<ref>Thurstan Shaw, Paul Sinclair, Bassey Andah and Alex Okpoko. 1995. ''The Archaeology of Africa: Food, Metals and Towns'', Published by Routledge, ISBN 0-415-11585-X, 9780415115858 857 pages</ref> აირის რეგიონში ერთ დროს ბინადრობდა საფრთხის ქვეშ მყოფი მოხატული სანადირო ძაღლი (''Lycaon pictus''), რომელიც ადამიანთა დასახლების გამო ამჟამად ამ რეგიონიდან მთლიანად გამქრალია.<ref>C. Michael Hogan. 2009. [http://globaltwitcher.auderis.se/artspec_information.asp?thingid=35993 ''Painted Hunting Dog: Lycaon pictus'', GlobalTwitcher.com, ed. N. Stromberg]</ref>
აირის მთები თავის მხრივ მოიცავს კლდოვანი პლატოდან აღმართულ ცხრა თითქმის წრიულ მასივს, რომლებსაც აღმოსავლეთით [[ტენერე|ტენერეს უდაბნოს]] [[დიუნა|დიუნები]] ესაზღვრება. მთებში აღრიცხულია მცენარეთა 430-ზე მეტი სახეობა.
