მწყერჩიტა: განსხვავება გადახედვებს შორის

'''მწყერჩიტა''' (Anthus), [[ფრინველები|ფრინველთა]] გვარი [[ბეღურასნაირნი|ბეღურასნაირთა]] რიგისა. მათი სხეულის სიგრძე 14-20 სმ აღწევს. ფერად მურაა, ლაქებიანი. ფართოდაა გავრცელებული სუბარქტიკული სარტყლიდან სუბანტარქტიკულამდე (ახალ გვინეასა და ოკეანიის კუნძულების გარდა). [[ბუდე|ბუდეს]] იკეთებენ მიწაზე. დედალი 4-6 კვერცხს დებს, [[ინკუბაცია]] 2 კვირამდე გრძელდება. იკვებებიან [[მწერები|მწერებით]], [[ობობები|ობობებითა]] და სხვა [[უხერხემლოები|უხერხემლოებით]]. ცნობილია მწყერჩიტას 30-მდე სახეობა, რომელთა შორის [[საქართველო|საქართველოში ბუდობს]] 3 სახეობა: [[მინდვრის მწყერჩიტა]] (Anthus campestris), [[ტყის მწყერჩიტა]] (Anthus trivialis) და [[მთის მწყერჩიტა]] (Anthus spinoletta).