The Bends: განსხვავება გადახედვებს შორის

მაშინ როდესაც მედიის ყურადღება მთლიანად [[ბრიტპოპი|ბრიტპოპისკენ]] იყო მიმართული, რედიოჰედს არავინ უწინასწარმეტყველებდა დიდ წარმატებას. ამის მიუხედავად ალბომმა [[The Bends]] სამშობლოში გაიბრწყინა – ჩარტები წყალობდნენ სამი გიტარისტის მიერ შექმნილ ჰაეროვან მუსიკას, რომელსაც იორკის ემოციური [[ფალცეტი]] და [[კლავიშებიანი ინსტრუმენტი|კლავიშებიანი ინსტრუმენტის]] ხმოვანება ამშვენებდა. მეორე ალბომში ტრანსფორმაცია განიცადა თავად სიმღერის ლირიკამაც – ტომ იორკი უკვე მასშტაბურ და მნიშვნელოვან თემებს ეხება, რითაც გარკვეულწილად აყალიბებს იმ მუსიკალურ [[იდეოლოგია|იდეოლოგიას]], რომლის მიხედვითაც ჯგუფის მომავალი სტილი განისაზღვრა. ამის ნათელი დადასტურება ის ფსიქოლოგიური სარჩულია რაც ამ და შემდგომი პერიოდის ვიდეო კლიპებშია ასახული. [[ჯემი ტრეივსი|ჯემი ტრეივსის]] გადაღებულმა “[[Just]]” ბევრს ახალი კუთხით დაანახა ეს ოქსფორდელი ბიჭებით დაკომპლექტებული ჯგუფი. ამასთან, აღსანიშნავია ულამაზესი, შავ-თეთრი “მეოცნებე” “[[Street Spirit (Fade Out)|Street Spirit]]” ([[რეჟისორი|რეჟის]]. [[ჯონათან გლეიზერი]]), სადაც მუსიკის [[რითმი]] ჰარმონიულად ეწყობა კლიპის გმირების ინერტულ მოძრაობებს. ყოველივე ამასთან ერთად, [[The Bends]] ასახავს იმას რაც ასე ძლიერ აწუხებდა ჯგუფის თითოეულ წევრს – მომქანცველი [[რუტინა]] და ის სევდა რაც ხალხის მიერ მათი ხელოვნებისადმი დამოკიდებულებით იყო გამოწვეული. ეს ძალზე კარგად ჩანს სიმღერაში “[[Bullet Proof I Wish I Was]]”, რომლის შემდეგაც [[ ტომ იორკი| ტომ იორკს]] მომდევნო “როკ-ენ-როლის წამებული” შეარქვეს, [[კურტ კობეინი|კურტ კობეინისა]] და [[რიჩი ჯეიმსი|რიჩი ჯეიმსის]] შემდეგ. ასეევე სიმბოლურია ალბომის ყდაც, რომელზეც რედიოჰედის [[დიზაინერი|დიზაინერმა]] [[სტენლი დონვუდი|სტენლი დონვუდმა]] იროკთან ერთად იმუშავა. თავდაპირველად იორკს სურდა ალბომზე ხელოვნური სუნთქვის აპარატი ყოფილიყო გამოსახული ([[ინგლისური ენა|ინგლ]]. iron lung), მაგრამ რადგან სურათი დაკარგა, [[სტენლი დონვუდი|დონვუდმა]] ბოლო წუთებში გამოიყენა მედიკოსების ფიტული რომელიც [[ტომ იორკი|ტომ იორკის]] სახეს “მიაკერა”.

მიუხედავად კრიტიკული შეფასებებისა, რომელიც ძირითადად რედიოჰედის არაკომერციული მუსიკისადმი იყო მიმართული, ალბომმა 30 საუკეთესო [[ჰიტი|ჰიტს]] შორის კუთვნილი ადგილი მოუტანა ჯგუფს და ბესტსელერად აქცია საკუთარ სამშობლოში. მოგვიანებით [[ჯონი გრინვუდი|ჯონი გრინვუდმა]] განაცხადა, რომ წარმატებამ რომელიც [[The Bends]] მოჰყვა, საკუთარ ძალებში რწმენა შემატა რედიოჰედს, რაც საბოლოოდ გამყარდა სინგლით “[[Street Spirit (Fade Out)]]”, რომელიც #5 გახდა [[ გაერთიანებული სამეფო |ბრიტანეთის]] ჩარტში.