გვინეა: განსხვავება გადახედვებს შორის

არ არის რედაქტირების რეზიუმე
(Bot: Migrating 163 interwiki links, now provided by Wikidata on d:q1006 (translate me))
}}
'''გვინეა''' — სახელმწიფო [[დასავლეთი აფრიკა|დასავლეთ აფრიკაში]]. ჩრდილოეთიდან ესაზღვრება [[სენეგალი]], ჩრდილოეთ-აღმოსავლეთიდან — [[მალი]], აღმოსავლეთიდან — [[კოტ-დ’ივუარი]], სამხრეთიდან — [[ლიბერია]] და [[სიერა-ლეონე]], ხოლო ჩრდილოეთ-დასავლეთიდან [[გვინეა-ბისაუ]]. დასავლეთიდან გასასვლელი აქვს [[ატლანტის ოკეანე]]ში. დედაქალაქია [[კონაკრი]].
 
== ბუნება ==
გვინეის ტერიტორია თითქმის მთლიანად სუბეკვატორულ სარტყელშია. [[ატლანტის ოკეანე|ატლანტის ოკეანის]] ვიწრო სანაპირო ზოლი დაბლობს უჭირავს. ქვეყნის სიღრმეში აღმართულია მდინარეთა ხეობებით დასერილი ფუტა-ჯალონის პლატო (მთა ტამგე 1537 მ) და ჩრდილოეთ გვინეის მაღლობი (მთა ნიმბა 1752 მ). ჩრდილო-აღმოსავლეთით ვაკეა (300-400 მ). სასარგებლო წიაღისეულიდან მოიპოვება რკინის მადანი, [[ალმასი]], ბოქსიტები და [[ოქრო]].
 
=== ჰავა ===
ჰავა ეკვატორულ-მუსონურია, ცხელი, ზაფხულობით - ნოტიო. ყველაზე ცხელი თვის (მარტი ან აპრილი) საშუალო ტემპერატურა სანაპიროზე 27-დან 30°C-მდეა, შიგა მაღლობ რაიონებში 23°C-მდე. ყველაზე ცივი თვისა (აგვისტო), შესაბამისად, 24-დან 26°C-მდე და 18C-მდე. ნალექები 1 200 - 1 500 მმ წელიწადში, სანაპიროს ზოგ რაიონში 4 000 მმ-ზე მეტი.
 
=== შიგა წყლები ===
მდინარეთა ქსელი ხშირია. მათი დიდი ნაწილი სათავეს ფუტა-ჯალონის პლატოსა და ჩრდილოეთ გვინეის მაღლობზე იღებს. მთავარი მდინარეებია: გამბია, [[ნიგერი (მდინარე)|ნიგერი]], ბაფინგი, კონკურე და სხვა. ეს მდინარეები უმთავრესად ჭორომიანია და სანაოსნოდ მხოლოდ შესართავთან იყენებენ.
 
=== ნიადაგები და ფლორა ===
სანაპირო დაბლობის გაეწერებულ ლატერიტულ ნიადაგებზე წარსულში მარადმწვანე ნოტიო ეკვატორული ტყეები იყო. ამჟამად ეს ტყეები აქა-იქღაა შემორჩენილი. სანაპიროს გასწვრივ დამლაშებულ ქვიშიან ნიადაგებზე მანგროვიანი ტყეებია. გვინეის დანარჩენ ტერიტორიაზე ჭარბობს მეორეული ტყეები და წითელმიწა ნიადაგებზე განვითარებული სავანები.
 
=== ფაუნა ===
გვინეის ცხოველთა სამყარო ანთროპოგენური ზემოქმედების შედეგად მნიშვნელოვნად გაღარიბდა. შემორჩენილია [[სპილოსებრნი|სპილო]], [[ბეჰემოთი]], [[ანტილოპები|ანტილოპა]], [[გარეული ღორი]], [[ჯიქი]], [[ავაზა]]. ბევრია [[მაიმუნები|მაიმუნი]], [[გველები|გველი]], ფრინველი. სანაპირო წყლები მდიდარია თევზით.
 
== ისტორია ==
გვინეის ტერიტორიაზე მცხოვრები ხალხების ადრინდელი ისტორია სუსტადაა შესწავლილი. XV საუკუნის შუა წლებში გვინეის ტერიტორიაზე დამკვიდრდნენ პირველი ევროპელები (პორტუგალიელი ზღვაოსნები), რომლებიც XIX საუკუნემდე ეწეოდნენ მონებით ვაჭრობას.
 
XIX საუკუნის მეორე ნახევრიდან ევროპულმა სახელმწიფოებმა დაიწყეს გვინეის დაპყრობა. კოლონიურ იმპერიებს შორის მეტოქეობა საფრანგეთის გამარჯვებით დასრულდა. 1895 წლამდე გვინეაში საფრანგეთის სამფლობელოები საფრანგეთის კოლონია სენეგალის შემადგენლობაში შედიოდა, შემდეგ ისინი ცალკე კოლონიებად გაიყო. 1904-1958 წლებში საფრანგეთის გვინეა საფრანგეთის დასავლეთ აფრიკის „ტერიტორიად” ითვლებოდა.
 
1958 წლის 2 ოქტომბერს ტერიტორიის ანსამბლეამ 1958 წლის 28 სექტემბრის რეფერენდუმის შესაბამისად დამოუკიდებელი გვინეის რესპუბლიკის შექმნა გამოაცხადა. დეკემბერში გვინეა [[გაერო|გაეროში]] მიიღეს. ქვეყნის პრეზიდენტი და მთავრობის მეთაური გახდა [[სეკუ ტურე]].
 
გვინეის მთავრობამ განახორციელა მნიშვნელოვანი ადმინისტრაციული რეფორმები. 1958 წელს გაუქმდა ბელადების ინსტიტუტი, შემოიღეს ადგილობრივი ხელისუფლების არჩევნები; გამოცხადდა ქალთა თანასწორუფლებიანობა. 1959 წელს დაწესდა შვებულების ანაზღაურება, პენსიები ზოგიერთი კატეგორიის მშრომელებისათვის. 1959 წლის 1 ნოემბერს მთავრობამ აკრძალა მიწების ყიდვა-გაყიდვა, იჯარა და სხვა მთავრობის ორგანოების სანქციების გარეშე.
 
1970 წლის ნოემბერში პორტუგალიელებმა გვინეის მთავრობის დამხობის მიზნით ქვეყნის ტერიტორიაზე დაქირავებული რაზმები გადასხეს, თუმცა ისინი გვინეის შეიარაღებულმა ძალებმა გაანადგურეს. 1971 წელს მიმდინარეობდა პორტუგალიის აგრესიის შედეგების ლიკვიდაცია.
 
== ლიტერატურა ==
* {{ქსე|3|143-145}}
 
{{აფრიკის ქვეყნები}}