'''ბასტიონი''' ([[ფრანგ.]] Bastion < გვიანდ. ლათ. Bastillio „ვაგებ სიმაგრეს“), — [[ციხესიმაგრე|ციხესიმაგრის]] [[გალავანი|გალავნის]] კუთხეებში დატანებული ხუთწახნაგა ნაგებობა, საიდანაც ცეცხლს უშენდნენ მოწინააღმდეგეს. პირველად ბასტიონი [[იტალია]]ში გაჩნდა XV საუკუნის დასასრულს, XVI საუკუნეში — [[რუსეთი|რუსეთში]]. ციხესიმაგრის ბასტიონებს ზარბაზნების დასადგმელად ჰქონდა 1 ან 2 მიწაყრილი. ბასტიონის წინა მხარეს ეწოდებოდა ფასი, გვერდითა ნაწილებს ფლანგები, ზურგის შიდა მხარეს — გორჟა. ორი მეზობელი ბასტიონის ერთმანეთისაკებ მიმართული ნაწილები და მათი შემაერთებელი კედლის მონაკვეთი — კურტინა — ჰქმნიდა ბასტიონის ფრონტს. [[საქართველო]]ში ზოგიერთ ციხესიმაგრის გალავანს ჰქონდა კუთხეებში იმავე დანიშნულების მრგვალი კოშკები — ''ბურჯები''.
