'''მარკომანები''' — ძველ გერმანელთა ტომი. [[ძვ. წ. I ათასწლეული]]ს II ნახევარში სახლბდნენსახლობდნენ თანამედროვე [[საქსონია|საქსონიისა]] და [[თიურინგია|თიურინგიის]] ტერიტორიაზე. [[ძვ. წ. II საუკუნე|ძვ. წ. II საუკუნის]] დამლევს - [[ძვ. წ. I საუკუნე|I საუკუნის]] დამდეგს შუა და ზემო მაინისკენ წაიწიეს. ვარაუდობენ, რომ ძვ. წ. I საუკუნის დასაწყისში მარკომანები შედიოდნენ [[არიოვისტი]]ს ხელმძღვანელობით შექმნილ ტომთა კავშირში. [[ძვ. წ. 8]] წელს რომაელების მიერ ჩრდილოეთ გერმანიის დაპყრობის შემდეგ გადასახლდნენ ახლანდელი [[ჩეხეთი]]ს ტერიტორიაზე, სადაც [[მარობოდი]]ს მიერ შექმნილ ტომთა კავშირში შევიდნენ, როდესაც მარობოდი [[ხერუსკები]]ს ბელადმა [[არმინიუსი|არმინიუსმა]] დაამარცხა (ახ. წ. [[17]] წელი), მარკომანებმა [[დუნაი]]სკენ დაიხიეს. [[I საუკუნე|I]]-[[II საუკუნე]]ებში მარკომანები და [[კვადები]] ხშირად ერთად უქმნიდნენ საფრთხეს რომაელებს დუნაის საზღვარზე, რასაც [[166]]-[[180]] წლებში [[მარკომანთა ომი]] მოჰყვა. [[IV საუკუნე]]ში [[ხალხთა დიდი გადასახლება|ხალხთა დიდი გადასახლების]] ტალღას შეუერთდნენ, ხოლო [[V საუკუნე]]ში ახლანდელი [[ბავარია|ბავარიის]] ტერიტორიაზე დასახლდნენ.
