ბრილის ჯვარი: განსხვავება გადახედვებს შორის

'''ბრილის ჯვარი''', ''დავით კურაპალატის ჯვარი'' — ისტორიული მონუმენტური [[ხელოვნება|ხელოვნების]] ძეგლი, საწინამძღვრო ჯვარი, აღმოჩნდა [[ხაშურის მუნიციპალიტეტი]]ს სოფელ [[ბრილი (ხაშურის მუნიციპალიტეტი)|ბრილის]] ცენტრში [[1898]] წელს, ადგილობრივი გლეხის, ქართველიშვილის მარნის კედელში (მარანი ამჟამად აღარ არსებობს). ჯვარი შუა საუკუნეების ქართული ჭედური ხელოვნების ერთ-ერთი გამორჩეული ნიმუშია. ოქრომჭედელი ასათი, დამკვეთი დავით კურაპალატი. ვერცხლი,ჯვარი მოოქრული,ვერცხლისგანაა დამზადებული და მოოქროვილია. მკლავებს შუა ზოლზე თავად ჯვრის ზომა: 27,2 სმ X 16,2 სმ-ია, წაგრძელებულ კუთხეებზე კი 30 X 19 სანტიმეტრს აღწევს, ბურთულას სიმაღლე 6 სანტიმეტრია, ბურთულას ჯვართან 2 სანტიმეტრიანი რგოლი აკავშირებს<ref>გიორგი ჩუბინაშვილი, „ქართული ოქრომჭედლობა“, თბილისი, 1956, გვ. 162</ref>. ინახება [[საქართველოს ეროვნული მუზეუმი|საქართველოს ეროვნული მუზეუმის]] შალვა ამირანაშვილის სახელობის ხელოვნების მუზეუმის ოქროს ფონდში.