'''ევერესტი''', ''ჩომოლუგმა'', ''ჯომოლუნგმა'', ''საგარმატხა'' — უმაღლესი მთის მასივიმწვერვალი დედამიწაზე, [[ჰიმალაი]]ს მთებში, [[ნეპალი]]სა და [[ჩინეთი]]ს [[საზღვარი (სახელმწიფო)|საზღვარზე]]. სიმაღლე [[ზღვის დონე|ზღვის დონიდან]] 8 848 მეტრს შეადგენს. საფუძველი აგებულია კამნრიულისწინა [[გნაისი|გნაისებითა]] და [[გრანატები]]თ, 7000 [[მეტრის]] ზევით — [[მეზოზოური ჯგუფი|მეზოზოური]] კრისტალური ფიქლებითა კირვებით. მასივიდან ყველა მხარეს ეშვება [[მყინვარი|მყინვარები]], რომელთა ბოლოები 5 000 მეტრ სიმაღლეზე მდებარეობენ. ევერესტს [[პირამიდა|პირამიდის]] ფორმა აქვს, [[სამხრეთი]] კალთა უფრო ციცაბოა, [[თოვლი]] და ფირნი არ ჩერდება და გაშიშვლებულია. ევერესტი პირველად დაიპყრეს [[1953]] წლის [[29 მაისი|29 მაისს]] ჯ. ჰანტის ინგლისელი ექსპედიციის წევრებმა ნ. ტენცინგმა ([[ნეპალი]] შერპა) და ე. ჰილარიმ ([[ახალი ზელანდია|ახალზელანდიელი]] [[ალპინიზმი|ალპინისტი]]). [[1982]] წლის [[4 მაისი|4 მაისს]] ევერესტის დაულაშქრავი მარშრუტით მიაღწიეს [[სსრკ|საბჭოთა]] [[ალპინიზმი|ალპინისტებმა]] ვ. ბალიბერდინმა და ე. მისლოვსკიმ, იმავე ღამით (რაც უნიკალური შემთხვევაა ჯომოლუნგმაზე ასვლის ისტორიაში) მწვერვალი დალაშქრეს ს. ბერშოვმა და მ. ტურკევიჩმა.
